Aakibiishopu w’ekanisa ya Uganda, Dr. Samuel Stephen Kaziimba Mugalu arikutongozaho ehururu y'okwombeka ekanisa ensya All Saints Cathedral Church aha Sande ebiro 03/09/2023. Photo by Simon Tumwine.

N’ebya Simon Peter Tumwine 

Aakibiishopu w’ekanisa ya Uganda, Dr. Samuel Stephen Kaziimba Mugalu yatongozaho ehururu rugogoma ey’okurundana esente eriizooba ebiro 03/09/2023 z’okumarira ekanisa ensya All Saints Cathedral Church. 

Owabaireho enganzi y'eihanga, Amama Mbabazi aha mukoro gw'okutongoza okwombeka ekanisa ensya eya All Saints Cathedral Church aha Sande ebiro 03/09/2023. Photos by Simon Tumwine.

Ehururu egi egyendereire kurundana shiringi biriyooni 3 z’okumarira ekanisa egi erikuteekateekwa kuhwa gwaza kuhika omwaka gwa 2024.

Ekanisa egi yaba yaherize okwombekwa neija kuba neshutamisa abantu 5,000 buri kushutamisa abantu kushaba.

Bamwe aha baikiriza abahika aha mukoro gw'okutongoza ehururu y'okwombeka ekanisa ensya eya All Saints Cathedral Church aha Sande ebiro 03/09/2023.

Okwombeka ekanisa egi kukatandika omu mwaka gwa 2004 kandi purogyekiti egi erabire omu bwebembezi bwaba Aakibiishopu 4 abarimu Mpalanyi Nkoyoyo, Luke Orombi, Stanley Ntagali na Kaziimba oriyo obwahati.

Kaziimba naagira ngu abaikiriza nebetenga Ruhanga omuri buri kimwe eki barikukora.

Minisita w'eby'okwerinda, Maj. Gen. Jim Muhwezi, Minisita w'eihanga ow'eby'obushuubuzi, David Bahati hamwe n'omuhwezi wa Siipika wa Paramenti, Thomas Tayebwa ni bamwe aha bahika aha mukoro gw'okutongoza ehururu y'okwombeka All Saints Cathedral Church aha Sande.

Aakibiishopu naagira ngu ekanisa egi neija kuba eri empagi y’amaani kandi eky’okwesimisa aha bantu boona omu Uganda nangwa n’omunsi yoona okutwariza hamwe hatarimu kushorora kwona.

#WestUpdates