Eirwariro erya Ishaka Adventist Hospital omuri Bushenyi-Ishaka Munisiparite ritungire ebikwato by’eirwariro. PHOTOS by Bruno Mugizi.

N’ebya Bruno Mugizi

BUSHENYI

Abeebembezi kuruga ah’eirwariro erya Ishaka Adventist Hospital omuri Bushenyi-Ishaka Munisiparite batungire ebyoma by’omurembe kubaasa kutandikaho kuragurira endwara z'amagufa hamwe n’enyama z'omubiri (orthopedic).

Ebyoma by'omurembe ebi n'ebindi bikwato by’okukoresa omu marwariro bihairweyo, Dr. Gary Botimer omushaho omukugu omu by’okuragurira amagufa n’enyama z'omubiri kuruga omuri America. 

Eirwariro erya Ishaka Adventist Hospital omuri Bushenyi-Ishaka Munisiparite ritungire ebikwato by’eirwariro.

Ebyoma ebi birimu; C Arm X-ray machine, ebitanda 50, emifaraso 56, patient privacy screens, ebitanda by’okuzaariraho, ebyoma ebirikuhweraho omuntu omu kwisya n’ebindi bingi.

Zaddock Amanyisa, Omugambirizi w’eirwariro eri naagira ngu eirwariro eri niryija kuba niriheereza abarwaire obuheereza bw'omutindo.

Zaddock Amanyisa, Omugambirizi w’eirwariro erya Ishaka Adventist Hospital.

#WestUpdates