Eirwariro erya Nyakayojo HCIII ritungire shs.2.4bn kuhunduuzibwa...(Photo by Adolf Ayoreka)

N’ebya Adolf Ayoreka

Mbarara:

Abeebembezi omu rurembo rwa Mbarara batongoizeho purogyekiti y’okwombeka ekyombeko kya kanyina 3 nk’omuringo gw’okutunguura eirwariro erya Nyakayojo HCIII kuza aharurengo rwa HCIV.

Ekyombeko eki nikija kuba kirimu ‘theatre’ y’omurembe, ah’okujanjaabira abarwaire n’omwanya gwa ofiisi.

Omurimo ogu nigwija kukorwa amahe ga UPDF ahabwa shiringi biriyooni 2.4.

Omurimo ogu nigwija kukorwa aba UPDF Engineering Brigade..(Photo by Adolf Ayoreka)

Ahamukoro gw’okutongozaho purogyekiti egi, Tauni Kiraaka w’orurembo rwa Mbarara, Assy Abirebe agiizire ngu eirwariro eri ryaheeza kuhunduuzibwa, niryija kuhika ahrurengo rwa HCIV ahabw’okuba nibaija kuba nibashemeza namunonga abakazi baaba nibazaara.

Purogyekiti egi neija kumaraho shiringi biriyooni 2.4...(Photo by Adolf Ayoreka)

Ogu naagira ngu nibaija kuba baine abashaho babiri kubaasa kwejunisa theatre kandi eki nikija kukyendeza ahabakazi abarikwijurirana ahamarwariro aga Mbarara Regional Referral na Mbarara City HCIV.

Maj. Francis Rugasira, orikujunaanwa n’eby’ebiragiro omu UPDF Engineering Brigade ahaamize abeebembezi b’orurembo rwa Mbarara ngu nibaija kukora omurimp murungi kandi guhwere omubwire.

#WestUpdates
#RadioWestAt25