Ekanisa egi ehaireyo amatungo agarimu; embuzi 156, empunu 95 n’entama kandi gahairwe abazaire abatwire omu bworo kubaasa kwetunguura. Photos by Timothy Mushabe.

N’ebya Timothy Mushabe

KITAGWENDA

Ekanisa eya Kabujogera Rural Evangelical Church omu disiturikiti eya Kitagwenda etandiikireho purogyekiti ey’okurwanisa obworo omu kyanga eki.

Ekanisa egi ehaireyo amatungo agarimu; embuzi 156, empunu 95 n’entama kandi gahairwe abazaire abatwire omu bworo kubaasa kwetunguura.

Abakazi omuri Kitagwenda abahairwe embuzi, empunu, entama kubahwera kuruga omu bworo.

Biishopu w’ekanisa egi, Robert Mwesigye naagira ngu bakwataniise n’ekigombe ekya Compassion, batandiikireho purogyekiti egi kuhwera abazaire ababaire nibateganisibwa obworo ahabw’okugira amataka makye.

Arikutongozaho purogyekiti egi, orikukurira amakanisa aga omu Uganda, Biishopu John Nuwagaba ashabire abazaire okukoresa amatungo agabahairwe kurwanisa obworo.

Ismail Mushemeza, ceeyamaani wa disiturikiti egi, asiimire ekanisa ahabw’ehururu egi. 

Nashaba abazaire okushomesa abaana baabo eby’emikono.

#WestUpdates