Ekikoosi ky'abantu 6 abatweire nibaiba piki omuri Kyegegwa bakwatsirwe..(Photo by Philip Murangira)

Ekikoosi ky’abantu 6 abarikuteekateekwa kuba abashuma ba piki bakwatsirwe

N’ebya Philip Murangira

Kyegegwa:

Ekikoosi k'abantu mukaaga abarikuteekateekwaho kuba bamaziire obwiire barikwiba za piki omu disiturikiti ya Kyegegwa na munonga omu tauni kanso ya Kyegegwa kikwatsirwe kandi omwe ahari aba ahoniire hakye kwitwa bwanyima yaba boda boda kumukwata bakamuteera ezabuzire nk'egamba y'ebirebi.

Ekikwekweto eki kibaire kyebembeirwe pooriisi hamwe n’abaserukare ba UPDF.

Okukwatwa kwaba kwizireho bwanyima y'omutsigazi omanyirwe nka Samuel Tusiime, omutuura wa Kakabara kwiba piki y'omunyamakuru omu tauni ya Kyegegwa Camera z’ahakyombeko zikamukwata rero bwanyima y'ebiro bikye bakamureeba aine piki endijo ei abaire nayo yaheza kwiba aha kooti nikwe aba boda boda kumwirukangaho bakamukwata akataka batahibe bataano abu abaire naziguza omu disiturikiti ya Kassanda.

Ekikoosi ky'abantu 6 abatweire nibaiba piki omuri Kyegegwa bakwatsirwe..(Photo by Philip Murangira)

Bataano bakwatiirwe omu disiturikiti ya Kassanda barimu Wilson Kijambo, Robert Mulwana, Godfrey Mubiru, James Karwana na Frank Kimera, boona abatuura ba Kyakatebe hamwe na Katoosi omuri Kassanda hamwe na Samuel Tusiime okwatiirwe omu tauni ya Kyegegwa.

Piki 3 nizo zizoirwe, 2 bazikwatiire omu disiturikiti ya Kassanda Bajaji Boxer No. UEA 894L na TVS MAX No. UDG 439L hamwe na Bajaji boxer No. UFC 612P, ei abaire yaheeza kwiba aha kooti omu tauni ya Kyegegwa.

Ekikoosi ky'abantu 6 abatweire nibaiba piki omuri Kyegegwa bakwatsirwe..(Photo by Philip Murangira)

Aba kubabaire nibaheza kwiba za piki bazikorera za card z'ebicupuri kandi piki nibakira kuziiba ahakitebe kikuru kya disiturikiti ya Kyegegwa, aha pooriisi enkuru eya Kyegegwa, ah’eirwariro erya Kyegegwa hamwe n’aha kooti omu tauni ya Kyegegwa. 

SSP Godfrey Ninsiima, DPC wa Kyegegwa yahamya amakuru aga. 

Ekikoosi ky'abantu 6 abatweire nibaiba piki omuri Kyegegwa bakwatsirwe..(Photo by Philip Murangira)

Piki zirikurenga omuri 20 nizo zibiirwe omu tauni ya Kyegegwa omubwiire bw'ameezi 5 kandi bo abakwatsirwe bakumiirwe aha poorisi ya Kyegegwa CPS obwo okucondooza kurikugumizamu.

#WestUpdates