Eminyeeto yaashabwa obutebeembeza emyehimbiso y’ensi -Aakibiishopu Lambert...(Photo by Eli Akiiza)

Eminyeeto yaashabwa obutebeembeza emyehimbiso y’ensi -Aakibiishopu Lambert

N’ebya Eli Akiza

Mbarara.

Aakibiishopu w’eitwaare erya Mbarara, His Grace Lambert Bainomugisha yaashaba eminyeeto okureka kwebembeza emy’ehimbiso y’ensi egi, bakata amaisho ahabintu ebirikubagasira hati na nyentsya.

Okugamba ebi, Aakibiishopu Lambert yaaba ayebembeire ekitambo kya misa ekya ah’eitendekyero rya Bishop Stuart University (BSU) aha omuri Mbarara.

Aakibiishopu Lambert Bainomugisha yaayebembera ekitambo kya misa ahari BSU..(Photo by Eli Akiiza)

Aakibiishopu Lambert Bainomugisha ari omu rutaayaayo rwe rwa buri mwaka ahi arikutaayaayira ebitongore hamwe n’amatendekyero okubagana nabo obutumwa kandi eizooba eri yataayaayiraho abeegi ah’eitendekyero rya BSU.

Aakibiishopu ari omu rutaayaayo rwe orwa buri mwaka...(Photo by Eli Akiiza)

Arikuhayo obutumwa bwe omu kitambo kya misa, Aakibiishopu Lambert yaayehanangiriza eminyeeto okwiiha amaisho ahaby’ensi bakahamira aha bigyenderererwa eby’okubombeka.

Aakibiishopu yaagaruka yahaisa abantu konforomansiyo...(Photo by Eli Akiiza)

Ogu hoona naagira ngu nka abanyadiini, n’omwooga gwaabo okuhabura abaikiriza, okubahumuriza hamwe n’okubaha obutumwa bw’okubombenka, enshonga ahabw’enki amaani agatiire aha minyeeto.

Aakibiishopu yaashaba abeegi obutebeembeza emy'ehimbiso y'ensi...(Photo by Eli Kiiza)

Aakibiishopu hoona yatungisa abeegi 12 konforomasio kandi yaabahiga okugumya endahiro ezibarahira.

Aakibiishopu Lambert Bainomugisha ow'eitware erya Mbarara

Ogu gwaaba guri omurundi gwa 2 Aakibiishopu Lambert arikutaayaayira eitendekyero eri kandi ariyo nagumizamu orutaayaayo rwe omu matendekyero agandi hamwe n’ebitongore ebiri omu eitware erya Mbarara.

#WestUpdates