Empaka z'amashomero ga Purayimare ez'okweshongora omuri Mbale. PHOTOs by Eli Akiza.

N’ebya Eli Akiza

MBALE

Empaka z'amashomero ga Purayimare ez'okweshongora n'emizaano (National MDD Festival) ezishagiikirwe ekitongore ky'ebyendangamuntu (NIRA) zahika omu kiro kya 4. 

Omu rurembo rwa Mbale ah’eishomero erya Mbale Secondary School. 

Empaka z'amashomero ga Purayimare ez'okweshongora omuri Mbale.

Ebirikuhayanirwa n'ebigano (Stories) ebikwatsire aha mushwija gw'ensiri hamwe na Sickle Cells.

Omu mizaano egi nabwo harimu okuhandiikisa abaana baheza kuzaarwa, abakuru okutunga endanga-muntu, eby’eshongoro by'enzaarwa, ebitaguriro, okutongyerera n’ebindi bingi.

Empaka z'amashomero ga Purayimare ez'okweshongora zataaha omukiro kya 4 omuri Mbale

Bamwe omu beegi abu twagambaho nabo niboreka okushemererwa ahabw'okwetaba omu mpaka ezi ekibarikugira ngu nikibahwera okwihayo entaranta zaabo okutunga emikaho n’okwega ebintu bisya.

Miriam Ainembabazi, muhara wa Dean wa St. James Cathedral Ruharo The very. Rev. Can. Bobs Mwesigye na mutaahi we, Tessy Shanice abeegi ahari Mbarara Junior school nabagira ngu ekirooto kyabo n’okuba abazaani b'emizaano y’amaani erikureebwa buri omwe omunsi yoona n'okushoma bakarugamu abantu b'omugasho omu ihanga.

Miriam Ainembabazi, muhara wa Dean wa St. James Cathedral Ruharo The very. Rev. Can. Bobs Mwesigye na mutaahi we, Tessy Shanice ab'eishomero erya Mbarara Junior School.

Omu mpaka ezi harimu amashomero agariyo nigoreka amaani nka Mbarara Junior eya mbarara City, Parental care eya Bushenyi, Clever's origin eya wakiso, Nakivubo blue eya Kampala, Oasis kuruga Gulu n’agandi mingi.

Empaka ezi nizeija kuhendera aha Sande ahi omusinguzi araije kunba narangiirirwa. Abahangu omu by’okweshongora nibo beebembiire okushara empaka ezi.

Bamwe omu beegi abu twagambaho nabo niboreka okushemererwa ahabw'okwetaba omu mpaka ezi ekibarikugira ngu nikibahwera okwihayo entaranta zaabo okutunga emikaho n’okwega ebintu bisya.

Empaka ezi nizibaho buri mwaka kandi niritebeekanisibwa ekitongore ky’eby’obwengyese n’emizaano n’obushagiki kuruga omu bitongore bitari bimwe. 

Omwaka ogu, empaka ezi zishagikirwe ekitongore kyan NIRA ekirikujunanizibwa ahaby’endanga-muntu omu ihanga.

#WestUpdates