Emyaka 14 y’obuheereza bwa Bishop Fred Sheldon Mwesigwa omu bureeberezi bwa Ankole...(Photo by Ssengendo Abdulkarim)

N’ebya Ssengendo Abdulkarim

Mbarara:

Buri kimwe kyatebeekanisibwe okujaguza emyaka 14 y’obuheereza bwa Biishopu Fred Sheldon Mwesigwa nka Bishopu w’obureeberezi bwa Ankole.

Omukoro ogu nigwija kukorerwa ahakitebe kikuru ky’obureeberezi bwa Ankole omuri Ruharo aha omu rurembo rwa Mbarara aha Sunday, 21/7/2024.

Bishopu Sheldon n'omukazi we Alice n'abandi bakurisitaayo...(Photo by Ssengendo Abdulkarim)

Kurugiirira ahari Rev. Can Bobs Mwesigye, Diini w’obureeberezi obu naagira ngu omukoro ogu nigwija kuhikwaho abantu batari bamwe aharimu na banywani ba Bishop omu eihanga ryona.

Ekanisa ya St. James Cathedral, Ruharo...(Photo by Ssengendo Abdulkarim)

Biishopu Mwesigwa arikugambaho n’omunyamakuru waitu yahamya ngu omugyenyi mukuru ahamukoro ogu naija kuba ari Col. Edith Nakalema, orikukurira akakiiko aka State House Investor Protection Unit.

Bishop Fred Sheldon Mwesigwa akemekwa nka bishop wakataano ahabw’obureeberezi bwa Ankole ahabiro 18/7/2010.

#WestUpdates
#RadioWestAt25