Abanyabuzaare b'abo abaaitsirwe akakooko ka siriimu bari ahari TASO omuri Gulu ahakiro ky'okuhemba emuri kwijukaabaatwairwe ebiro 16.05.2024. PHOTO: Rosemary Anena

N’ebya Rosemary Anena
Bamwe omubantu omururembo rw’omumatemba ga Uganda orwa Gulu nibagambwa kuba barugire ahamibazi erikurwanisa akakooko ka siriimu ahabw’enjara nyingi. Omuntu orikuba ari ahabujanjabi obu, endya nungi omukasheeshe, omu ihangwe hamwe n’omumwabazyo neehaburwa kukoresibwa kuha omuntu amagara marungi n’amaani omumubiri kurwanisa endwara.

Beitu hoona, bamwe omubantu abarikutuura n’akakooko ka siriimu omururembo rwa Gulu obumwe tibarikutunga sente zirikumara kubabaasisa kugira endya nungi ekibareeteire kunagaho emibazi yaabo

Cecilia Acayo, 55, nyina w’abaana 6, orikutuura omukyanga ekya Bardege-Layibi omururembo Mbarara, n’omwe omubarwaire abarugire ahabw’okubura ebyokurya.

Acayo orikutuura omukasiisira omumwanya ogutarikwesiimisa, agizire ngu akaruga ahamibazi omukwezi kwa 3 omwaka ogu bwanyima y’okuremeererwa kutunga eky’okurya atakamizire mibazi ye na bwanyima y’okugimira. Oyihireho okuza aharugamba n’akakooko ka siriimu, Acayo akashemezibwa ahabw’oburwaire obu atenzire kugamba ah’irwariro erya St. Mary’s Hospital Lacor.

Okutambura kuza kwakiira emibazi kuza ah’irwariro rya Lacor, omuburaingwa bwa kiromita nka 3 kuruga omuka owe, nakyo kimubeereire ekizibu.

“Ekizibu kyangye eky’amaani n’okusherura eky’okurya ahabw’okuba tindikubaasa kutambura. Hati haahwaho ebiro 2 kuruga obu nta ak’okurya omunda,” nikwo Acayo agizire arikwongyeraho ngu, “Hariho obu mmira emibazi nyine enjara nkatanaka… Kuruga obwo naagirugaho.”

Christine Ayoo, efaakazi y’emyaka 57, natambura orwigi aharundi arikushabiriza akasente kuruga omubanyambabazi kubaasa kwebaisaho. Okurugiirira ahari Ayoo, naarya omurundi gumwe (omumwabazyo) ku arikuba nayenda kumira emibazi ye. Ku arikuba ataine ky’okurya, okumira emibazi naakurugaho.

Nintambura emirundi 3 ndikuza ahamiryango y’abantu kushabiirirza akasente… Okumira emibazi ninkureka ku ndikuburwa ekyokurya,” nikwo agizire.

Michael Oryem, 40, orikutuura omukyanga ekya Pece Prison omu Laroo-Pece agizire ngu obwa hati ekimutungire n’ebicoori n’emiyembe ebimurekire ahamibazi ei arikumira shaaha 12 eza buri kasheeshe.

Ariyo naashaba obuhwezi kuruga omubanyambabazi, arikugira ngu, “nibabaasa kumpwera n’omurimo gwona ogurikubaasa kureeta b=naatunga akasente akarikubaasa kumpwera kutunga ebyetaago byangye.”

Kuruga omukwezi kw’okubanza kuhisya ahakutandika kw’okwezi oku (Okwamukaaga) ekitongore ekirikuhwera abarikutuura n’akakooko ka siriimu ekya The AIDS Support Organization (TASO) kifeereirwe abantu 358 kandi omuri aba 72 tikirikumanya ahi baagiire

Omushaho John Bwoc orikukorera ahakitongore ekya TASO omuri Gulu agizire ngu abarwaire 286 barondeirwe aha simu, okubatwarira emibazi, ehururu hamwe n’emishomo y’eby’amagara n’emiringo endiijo.

Bwoc ayongyeireho ngu endya nungi negyenda gye n’obujanjabi obu abarikutuura n’akakooko ka siriimu barikuheebwa kandi ku erikuba etariho, omubiri tigurikwakiira kurungi emibazi, ekirikucumbagiza amaani g’omubiri kurwanisa okukanya kw’akakooko ka siriimu.  

#WestUpdates
#RadioWestAt25