Enkuyanja baahika ahakiteerane ky’eminyeto omu bureeberezi bwa Ankole...(Photo by Ssengendo Abdulkarim)

Enkuyanja baahika ahakiteerane ky’eminyeto

N’ebya Abdulkarim Ssengendo

MBARARA:

Enkumi n’enkumi y’eminyeto wiiki egi baahikire ahakashozi Ruharo omu rurembo rwa Mbarara omubureeberezi bwa Ankole omu kiteerane ky’eminyeto n’abaana.

Eminyeto kuruga Tanzania begeitsire ahaminyeto kuruga omu amasabadiikoni gatari gamwe omu bureeberezi obwa Ankole na disiturikiti ezetoreire Mbarara.

Ekiteerane eky’omwaka ogu kiri ahansi y’omutwe, “Orinkahi” kuruga omukitabo ekya Okutandika 3:9.

Biishopu w'obureeberezi bwa Ankole, Sheldon Mwesigwa ashabire eminyeto kwegaruriza busya..(Photo by Ssengendo Abdulkarim)

Ekiteerane ky’ebiro 5 kyeigwirweho Biishopu w’obureeberezi bwa Ankole, Rt. Rev. Assoc Prof. Fred Sheldon Mwesigwa aharwakana kandi nikihwa aharwokubanza.

Biishopu Mwesigwa ashabire eminyeto okwekwatsa Ruhanga n’okushoma Baiburi n’okwegaruriza busya.

Dr Mwita Akiri, owatandikireho obureeberezi obwa Tarime omu eihanga erya Tanzania niwe abaire ari omuburizi mukuru hamwe na Biishopu w’obureeberezi obwa East Rwenzori, Rt. Rev. George Turyasingura.

Dr Mwita Akiri, Biishopu owatandikireho obureeberezi bwa Tarime omuri Tanzania..(Photo by Ssengendo Abdulkarim)

Biishopu Akiri ashabire eminyeto kumanya Ruhanga n’okumwesiga oihireho emirabanamu y’ensi.

Eminyeto erikurenga 3000 neteekateekwa kuhika omu kiteerane eki aharimu okushoma Baiburi, okukora ebisaasayizi n’okwega eby’emikono.

#WestUpdates