Enshaho z’amakara zirikurenga 4,019 zikwatsirwe omuri Karamoja.

N’ebya Omushaki weitu

KARAMOJA

Ab’eby’okwerinda omu kyanga ekya Karamoja bakwatsire enshaho z’amakara 4,019 kuruga omu kwezi kwa kataano kuhisya eriizooba obu batandika kuta omunkora ekiragiro kya Purezidenti eky’okuzibira okwosya amakara n’okugashubura omu kyanga eki.

Clare Nabakka, Omuhwezi w’omugambirizi wa Pooriisi naagira ngu ahabiro 19/05/2023, Purezidenti Yoweri Museveni akashohoza ekiragiro ky’okuzibira n’okushubura amakara omu byanga ebimwe omuri ekya Karamoja, Teso, Lango, Acholi hamwe n’ekya West Nile.

Nabakka naagira ngu bwanyima y’okushohoza ekiragiro eki, ab’eby’okwerinda bakatandikaho ebikwekweto byabo omu myanya eyagyendereirwe omu kyanga ekya Karamoja ahi amakara garikwokibwa.

Nayongyeraho ngu omu bikwekweto byabo, babaasize kukwata enshaho 4,019 z’amakara kandi zihairwe omu b’obushoborozi omu kitongore ekya National Forestry Authority kureeba eky’okukorera amakara ago.

Nabakka naagira ngi nk’ebitongore by’okwerinda behiireyo kureeba ngu eby’obuhangwa omu kyanga ekya Karamoja byarindwa.

#WestUpdates