Enteekateeka z’ekinihiiro zahwiire, bakuru ba Radio West bahamiza abantu...(Photo by Angella Naturinda)

N’ebya Angella Naturinda

Mbarara:

Buri kimwe kyahwaire kutebeekanisa emikoro ya Ekinihiiro Rwigura-Mpata erikwija kubaho Orwamukaaga oru ahakishaayi Kakyeka obwo Radio West erikujaguza emyaka 25 y’obuheereza.

Orwamukaaga oru ebiro 27/7/2024, Radio West neija kuba nejaguza emyaka 25 omu buheereza omu mbaga yaayo eya buri mwaka omu kishaayi Kakyeka.

Bakuru ba Radio West baagiraho orukiiko n'abanyamakuru ahantebeekanisa z'ekinihiiro...(Photo by Angella Naturinda)

Aba baagiraho orukiiko rw’abanyamakuru orwayetabwamu abateiremu sente nka Pepsi na MTN Uganda, TV West hamwe na puromota Kakande Habib owa SK Events.

Clovice Kaahwa, Mukuru wa Vision Group aha ofiisi eya Mbarara

Emikoro egi eyebembirwemu aba SK Events yaagira ngu baine bingi eby’okushemeza abantu nk’abeshongozi aharimu Sheeba Karungi, King Saha, Sister Charity, Truth 256 n’abandi baingi.

Puromota Kakande Habib owa SK Events...(Photo by Angella Naturinda)

Ogu yaagira ngu nihaija kuba hariho emiryango 6 kugira ngu abantu batatsimba enyiriri ndaingwa kutaaha omu kishaayi.

Fazil Damulira, kuruga omu MTN Uganda

Fazil Damulira, kuruga omu MTN Uganda yaagira ngu omuntu nabaasa kugura tiketi kuraabira aha MTN MOMO batagire kushashurira ahamuryango.

Ronald Santana, Manegya wa TV West...(Photo by Angella Naturinda)

Philbert Akankwatsa, Kitunzi wa Vision Group ahabwa ofiisi eya Mbarara yaagira hariho ebirabo by’okuhangura aharimu n’ekyoma ky’esente.

Philbert Akankwatsa orikukora nka kitunzi wa Vision Group ofiisi eya Mbarara

Okutaahamu ni shiringi 10,000 zonka.

#WestUpdates
#RadioWestAt25