Eryato ryagwa omunyanja ya Victoria; Baingi nibateekateekwa kuba baafa

Eryato ryagwa omunyanja ya Victoria; Baingi nibateekateekwa kuba baafa

N’ebya Charles Etukuri

Pooriisi eriizooba yahaamya ngu batsindika tiimu y’okucungura abantu abagwa omu maize ahamyaro eya Lwanabatya na Ntuuwa omu disiturikiti ya Kalangala, bwanyima y’eryato eri baaba nibatamburiramu kugwa omunyanja ya Victoria.

Baingi nibateekateekwa kuba baafa kandi obwahati emibiri 5 niyo yabonirweho.

Omubaro gw’abantu abaaba bari omuryato eri tigukamanyirwe beitu ba kareebi nibagira ngu eryato ryaba ririmu abantu barikurenga 30 n’ebintu byabo.

Omuhwezi w’omugambiri wa pooriisi eya Kampala n’emyanya egyetoreire, Luke Owoyesigyire yahaamya butandu egi kandi okucondooza kwatandikire.

#WestUpdates