Rupiny naija kuba Biishopu wa kataano owa Nebbi Dayosiisi. Courtesy Photo.

N’ebya Juliet Anna Lukwago

NEBBI

Paapa Francis atooraine Fr Dr Constantine Rupiny nka Biishopu omusya owa Nebbi Dayosiisi omu Uganda.

Omujwekyerwa wa Paapa omu Uganda, Aakibiishopu Luigi Bianco niwe akozire okurangiriira oku omu baruha y’ebiro 26.11.2024.

Fr Rupiny naaza omu bigyere bya Biishopu Raphael p’Mony Wokorach, 63, owatoorainwe nka Aakibiishopu w’eitware erya Gulu omu kwezi kwa 3, 2024 kandi akemekwa omu kwezi kwa 7, 2024.

Omujwekyerwa wa Paapa omu Uganda atabaarukize Biishopu omusya otoorainwe kandi amushabire emigisha yaaba nakora omurimo ogumukwatsibwe.

Rupiny naija kuba Biishopu wa kataano owa Nebbi Dayosiisi.

Abandi abaabaireho ba Biishopu ba Dayosiisi egi barimu Raphael p’Mony Wokorach obwa hati ori Aakibiishopu w’eitware, Sanctus Lino Wanok, Martin Luluga na John Baptist Odama.

Rupiny agambiire Omunyamakuru weitu ngu aikiriize omwoga ogumuhairwe.

#WestUpdates