Eirwariro erya Kabwohe Health Centre IV eririkuza kuhunduuzibwa. Ekishushani n'ekya Bruno Mugizi.

N’ebya Bruno Mugizi

SHEEMA

Gavumenti erikurabira omu minisiture y’eby’amagara ehaire Munisiparite ya Sheema shiringi biriyooni 2.4 ez’okuhunduuza eirwariro erya Kabwohe Health Centre IV.

Eirwariro erya Kabwohe Health Centre IV rikombekwa omu mwaka gwa 1954 beitu kuruga obwo tiryakahunduzibwaga ekintu ekigyemeseriize gavumenti kurikoraho.

Alex Kikwaya, tauni kiraaka wa Sheema Munisiparite naagira ngu omurimo gw’okuhunduuza eirwariro eri nigwija kutandika omu bwire butari bwa hare.

Ba ingyiniya kuruga omu kitongore ky’amahe ekya Uganda Peoples Defense Forces Engineer's Brigade nibo barikuteekateekwa kukora omurimo ogu ogurimu okwombeka eishemerezo, eizaariro, ah’okukyeberera na woodi ezindi.

Kikwaya naashaba abashaho okukoragye aha barwaire abarikwija kuraguza.

'Ninyenda kushaba abashaho okukora aha barwaire n’obwegyendesereza ahabw’okuba baheeza kubakwata kubi, nibaija kuhendera bahungire ah’irwariro bafeere omu byaro”.

Dickson Kateshumbwa, Omuny’ishengyero wa Sheema Munisiparite naagira ngu eirwariro eri niritunga abakazi benda barikurenga 240 buri kwezi aharikwija kutunga obuheereza. 

Aba nibaba nibaruga omuri za disiturikiti omuri eya Sheema, Bushenyi, Buhweju na Mbarara.

#WestUpdates