Omuny'ishengyero wa Sheema Munisiparite, Dickson Kateshumbwa arikutongoza okwombeka ekyombeko ahari Kabwohe Health Centre IV. Ebishushani byona n'ebya Bruno Mugizi.

N'ebya Bruno Mugizi

SHEEMA

Abeebembezi omu disiturikiti ya Sheema n'abakuru kuruga omu kitongore ekya UPDF Engineering Brigade batongozaho kutandika kwombeka eky'ombeko ky'omutindo ah'eirwariro erya Kabwohe health centre IV.

Omukoro gw'okutongoza okwombeka eirwariro eri gwaba aha mbuga z'eirwariro.

Omurimo ogu ogurikuza kumaraho Shiringi biriyooni 2.3 nigwija kumara ameezi 6 gurikukorwa kandi nigeija kukorwa ekitongore kya UPDF ekirikujunanizibwa okwombeka ekya UPDF Engineering Brigade.

Arikugambira aha mukoro ogu ,mukuru w'entebe ya kataani ahabwa Sheema, Jemimah Buhanda yaashaba ba konturakita kuheereza abataka emirimo kubaasa kuganyirwa omu purogyekiti egi. 

Maj. Rugasira Francis, orikukurira ebiragiro omu kitongore ekya UPDF Engineering Brigade, yaagira ngu nk'ekitongore, nibeija kuheereza emirimo obucweka 40 ahari 100 bw'abatuura.

Omuny'ishengyero ahabwa Sheema munisiparite, Dicksons Kateshumbwa, yaashaba Minisiture y'eby'amagara kutunguura eirwariro eri kuza aha rurengo rw'eirwariro erikuru.

Kateshumbwa naagira ngu eirwariro eri niriragurira abarwaire abari ahansi ya 3,000 buri kwezi.

#WestUpdates