Purezidenti ahamiize abatuura ngu tihaine muntu n’omwe orikwija kubabinga ah’eitaka ryabo n’obu baraabe baine ekyapa ky’eitaka. PPU Photos.

N’ebya Omushaki weitu

LUWERO

Purezidenti Yoweri Kaguta Museveni nahamiza abanya Uganda ngu gavumenti neija kubarinda obutabaibaho amataka.

Purezidenti Museveni abi abigambire omu wiikendi obu abaire natongozaho ekishaayi kya Kalule hamwe n’okwiguraho ekyombeko ekya Kaguta Block ah’eitendekyero ry’eby’emikono erya, Excel Vocational Training Center omu muruka gwa Kalule omu disiturikiti eya Luwero.

Purezidenti ahamiize abatuura ngu tihaine muntu n’omwe orikwija kubabinga ah’eitaka ryabo n’obu baraabe baine ekyapa ky’eitaka.

Museveni ashobororiire ngu abantu baheza kukora enkora y’obukiiko bw’eby’abyaro ei gavumenti yateireho kurinda abantu n’ebigyendererwa byabo, enshonga z’amataka zikabaire nizihwera okwo.

Hajji Mwanje Shafic, Dayirekita w’eitendekyero erya Excel Vocational Training Center kandi nabwo ori ceeyamaani wa NRM ahabwa disiturikiti eya Bukomansimbi asiimire Purezidenti ahabw’okushagika okugaruka kwombeka ekyombeko ky’eitendekyero eri ekyakwatsirwe omuriro emyaka 5 ehingwire.

#WestUpdates