Enguuto ezi niziija kukorerwa aharurengo rwa disituriki orw’eidaara rya kashatu omumagomborora 10 agatoorainwe omukyanga ekyo. File Photo.

N’ebya Jesse Johnson James

Okukora enguuto z’omubyanga ezirikwingana oburaingwa bwa kilomira 151 omukyanga ekya Acholi ahansi ya purogyekiti ya National Oilseeds nikwija kutandika omukwezi kwa 8 omwaka ogu. 

Enguuto ezi niziija kukorerwa aharurengo rwa disituriki orw’eidaara rya kashatu omumagomborora 10 agatoorainwe omukyanga ekyo. 

Ezi ni zimwe ahanguuto z’ebyanga ezirikwinga oburaingwa bwa kiromita 2,500 ezirikuza kukorwa omumadisiturikiti 81 omumatemba g’eihanga, omu West Nile, Burugwa-izooba na Karamoja omu purogyekiti erikuza kumaraho sente zirikuhika miriyooni 160 eza doora kandi eriyo neekorwaho ekitongore kya gavumenti y’ebyanga hamwe n’eky’eby’obuhingi n’oburiisa

Eng. Gilbert Okwong, omwe ahari ba inginiya ba ‘National Oilseeds Project’, agambeire TV West omushono gw’endeebeka y’enguuto ezi gwaherize kukorwaho kandi hati okweta abarikwenda kuhayo okushaba kwabo kukora emirmo egi nikwija kukorwaho okwezo kwa kataano kutakahweire Kwenda ngu batandikye emirimo omukwezi kwa 8 kandi bagihendere ahi kuraaze kuba okwezi kwa 6 omwaka ogurikwija.

“Bwanyima y’okutunga okushaba kuruga omubakozi b’enguuto abatari bamwe na bamwe, nituteekateeka ngu okushohoza esente n’okugura ebintu nikwija kumara ameezi nka 2 na bwanyima nitwija kutunga ebitongore ebirikukora enguuto omukwezi kwa 8,” nikwo agizire. 

Okurugiirira ahari Okwong, enguuto ezi niziija kukorwa n’ekigyendererwa kya Oilseeds Project  eky’okugaita ebyanga boorekyereire okunywanisa akatare k’ebihingwa ebirikurugamu buto by’omubyanga ebyo kandi enguuto niziija kuhwera abahingi b’embibo z’ebihingwa ebya buto nka simsim, amakyanda, ebinyobwa hamwe n’empokya kubihisya omubutare. 

Ekigyendererwa ekindi n’eky’okutaho omuhanda ogushororongokire kurungi okuhisya ebintu by’abahingi abo omubutare. 

Aharwakashatu ebiro 15.05.2024, abarikuta omunkora purogyekiti egi bakozireho orukiiko omururembo Gulu ahari Acholi Inn, ahi beetsire ebibiina by’abahingi n’abeebembezi kuruga omumadisiturikiti agu purogyekiti egi erikuza kukorerwamu. 

Omurukiiko oru, Minisita w’eihanga ow’eby’obuhingi n’oburiisa, Fred Kyakulaga Bwino ahamize ku arikumanya ahakwetwara omukuta purogyekiti egi omunkora agumize ngu abarikuta purogyekiti omunkora bariyo nibakora ahaky’okutunga ebintu ebikwetaagisa kukora omurimo gwonyine. 

Ogu hoona nabwo ayongyeire yaahiga abahingi kwejumba omukukora embibo y’ebihingwa ebirikurugwamu amajuta agumize ogu ekyetaago kyabyo nikikira obuheereza bwakyo oburiho. 

National Oilseed Project neeshagikwa ebitongore ebirimu IFAD, OPEC Fund for International Development, Heifer Project International, Gavumenti ya Uganda Government, na Private Sector Foundation Uganda. 

#WestUpdates