Mukuru w’eishomero erya Kebisoni Intergrated Primary School omu disiturikiti ya Rukungiri, Henry Musasizi aha Pooriisi ya Rukungiri. Photo by Caleb Bahikaho.

N’ebya Caleb Bahikaho

RUKUNGIRI

Mukuru w’eishomero erya Kebisoni Intergrated Primary School omu disiturikiti ya Rukungiri, Henry Musasizi akwatsirwe ekitongore ekirikurwanisa obushomankuzi omu State House ahabw’okugambwa kuba nayiha aha bazaire esente nyingi omu bushobya.

Musasizi akwatsirwe na ceeyamaani wa PTA ow’eishomero eri Paddy Twesigye bwanyima y’okutunga okwetomboita kuruga omu bazaire ngu eishomero niribaihaho esente nyingi za fiizi kandi obwo rri erya gavumenti.

Abakuru kuruga omu State House bakyorekire ngu kumara emyaka 4 ehingwire, abeegi ba P.7 batwire nibashashura fiizi eziri ahagati ya 90,000 na 120,000, ezi abazaire baingi bagizire ngu tibarikuzibaasa.

Nibagira ngu abeegi abarikuremwa kushashura fiizi nibabingwa nainga abamwe bagyemeserezibwa kuruga ah’eishomero.

Ahitugiire kuhandiikira amakuru aga Orwakataano, ababiri aba babaire bakikomirwe aha Pooriisi ya Rukungiri obwo okucondooza kurikugyenda omu maisho, Okurugiirira ahari Micheal Kisakye, orikukurira pooriisi egyo.

#WestUpdates
#RadioWestAt25