Janet Museveni yaatayaayisa abakazi ba bakuru b’amahanga abari omu Uganda...(Photo by Miriam Namutebi)

Janet Museveni yaatayaayisa abakazi ba bakuru b’amahanga abari omu Uganda

N’ebya Carol Kasujja Adii

Muka Mukuru w’eihanga kandi Minisita w’eby’obwegyese, Janet Kataaha Museveni eriizooba yaatayaayisa abakazi ba bakuru b’amahanga n’abandi abakuru abari omu eihanga omu ruteerane orwa NAM.

Muka Mukuru w'eihanga, Janet Kataaha Museveni yatayaayisa ekihuro ahabw'abakazi b'abakuru abari omu NAM...(Photo by Miriam Namutebi)

Ekihuro eki ekyatebeekanisibwa ahabwa abakazi b’abakuru abari omu ruteerane orw’omurundi gwa 19 orwa NAM kyaba ahari Serena Hotel omuri Kampala.

Bamwe ahabaahika ahakihuro eki harimu H.E Constance Mangue Nsue Okomo, omukazi wa Purezidenti wa Equatorial Guinea na H.E Angeline Ndayishimiye, muka Purezidenti wa Burundi.

Omukoro ogu gwatebeekanisibwa ahari Serena Hotel...(Photo by Miriam Namutebi)

Abandi barimu Sustjie Mbumba, omukazi wa Purezidenti wa Namibia, Mignon Bowen-Philips, omukazi w’enganzi y’eihanga erya Guyana, Pen Vimuol kuruga Cambodia, H.e Philile Thulile Dlamini owa Eswatini, Sadia Shahal kuruga Singapore na Judy Christine Uy.

Maama Janet na H.E Angeline Ndayishimiye, omukazi wa Purezidenti wa Burundi...(Photo by Miriam Namutebi)

Aba Uganda hari ba Minisita, abanyadiini, abakuru kuruga omukitongore ekya United Nations, abaramuzi n’abandi bakuru b’ebitongore bitari bimwe.

Omukoro ogu gwahikwaho abakazi b'abakuru abari omu Uganda omu ruteerane orwa NAM n'abandi...(Photo by Miriam Namutebi)

Ahamukoro ogu, Janet Museveni yaabamurikira bimwe ahabyakoozire kutunguura obwegyese bw’omwana w’omwishiki omu Uganda n’abakazi.

#WestUpdates | #NAMSummitUganda2024 | #KaribuUganda