Kanso ya Mbarara City South etongoize enteekateeka nsya y’eby’entunguuka...(Photo by Eli Akiza)

N'ebya Eli Akiza

Mbarara:

Kanso y’ekyanga kya Mbarara City South etongoize enteekateeka erikwiija kubahwera okutunguura ekicweeka eki omu myaka 10.

Aba babandize na woodi ya Rwakishakiizi kandi oku niyo hari Taxi Park, Irimbo, emyanya y’okubyaramu emiti, orutindo orurikugaita ekyanga eki hamwe na Mbarara City North ekishaayi ky’enyonyi hamwe na Irindiro ry’enyamaishwa.

Enteekateeka y'eby'entunguuka neija kukorerwa omumyaka 10...(Photo by Eli Akiza)

Enteekateeka egi eyanjwiirwe omurukiiko rwa kanso orushutamire Orwakana, 12/9/2024 omuri Nyakayojo kandi ebintu nyamwingyi ebirimu okwiiha ba ‘street kids’ aha nguuto, akatare ka Katete hamwe n’ebindi bigambirweho.

Lt. Col. James Mwesigye obaire ari RCC w'orurembo rwa Mbarara...(Photo by Eli Akiza)

Enteekateeka egi eyorekyeriire kuteekateekyera kurungi ekicweka eki aharimu emyanya y’okubyaramu emiti (green parks), ebishaayi by’emizaano (Recreational Centers), amakorero, okutunguura akatare ka Katete okukata aha mutindo, enguuto z’omutindo, ekishaayi kyenyonyi, irimbo hamwe n’ebindi byingi.

Catherine Hellen Kamwiine RCC omusya ahabwa Mbarara City...(Photo by Eli Akiza)

Bwanyima ya kanso egi, aba bagizireho omukoro gw’okusibura otwiire ari RCC w’orurembo rwa Mbarara Lt. Col. James Mwesigye hamwe n’okwakiira omutsya Catherine Hellen Kamwiine.

Catherine Hellen Kamwiine RCC omusya ahabwa Mbarara City...(Photo by Eli Akiza)

Lt. Col. Mwesigye asiimire abanya Mbarara ahabw’okumukwatsa emirimo kandi yabashaba okugumizamu n’enkwatanisa.

Lt. Col. Mwesigye atungwiirwe yahabwa okukurira ba RDC’s b’ekyanga kya Burengyerwa-eizooba.

#WestUpdates