Ekimotoka kirikutereeza omwanya gw'ekanisa erikuza kuba neshutamisa abakristaayo barikurenga 1,200

N’ebya Bruno Mugizi, Sheema

Abebembezi b'ediini omu busabadiikoni bwa Kitagata West Ankole Diocese eriizooba baatongozaho omurimo gw'okutandika kwombeka ekanisa y'omurembe.

Ekanisa egi erikwija kumaraho sente zirikwingana akahumbi 1 n’ekicweka neyija kuba erimu omwanya gw’abakurisitaayo barikuhika 1,200 kushabiramu, ekanisa y'abaana ofiisi z'oburiisa hamwe n'ebindi kandi niguteekateekwa kumariirizibwa omu meezi 6 gonka.

Obu yaaba nagamba aha kutongozaho okwombeka ekanisa ahari Kitagata Arch-deaconry eriizooba Ven. Rev. Canon Bejuura Godfrey ori Ishe-abadiikoni wa Kitagata yaagira ngu ekanisa ei barikushabiramu eyayombekirwe emyaka 60 ehingwire tekibaasa kushutamisa abaikiriza ngu ahabw’okuba ninkye munonga.

Dr. Nicholas Mwebesa ori omubiiki w'oburiisa naagira ngu obwa hati baaherize kurundaana sente 200M kuruga omubakurisitaayo eziraije kubahwera kutandika okwombeka.

#WestUpdates