Okurabura kwa Kania nikurugiirira aha buteikirizana ahansharo obureteire habaho okusika omuguga ahagati yaza disiturikiti z’omukyanga eki. Photo by Robert Adiga.

N’ebya Robert Adiga.

WEST NILE

Uganda eyetegwire kutandiika ehururu y’eihanga ey’okubara abantu n’ebintu byabo ahabw’omwaka 2024 erikwija kutandika omu kiro ky’ebiro 09/05/2024.

Ehururu egi eyatongoziibweho Purezidenti Yoweri Kaguta Museveni ahabiro 12/12/2023 neija kumara ebiro 10 obwo erikuhendera ebiro 19/05/2024.

Beitu hoona, minisita w’eihanga ow’entunguuka y’endembo, Obiga Kania arabwire abeebembezi abari omu byanga ebirimu okurwana n’obuteikirizana omu kyanga ekya West Nile obutiima omugisha gw’abantu kubarwa.

Okurabura kwa Kania nikurugiirira aha buteikirizana ahansharo obureteire habaho okusika omuguga ahagati yaza disiturikiti z’omukyanga eki.

Naagira ngu omu byanga aha bantu bararemwe kureetaho obusingye, ebitongore by’okwerinda nibyija kukoresibwa kuba nibyo byabara abantu omu myanya egyo ahabw’okuba abantu abo nabo baine obugabe bw’okutunga obuheereza bwona oburikwetengwa kuruga omu gavumenti.

Minisita Kania nabwo arabwire amadiini hamwe n’ebindi bitongore by’obuhangwa obutazibira abakuratsi baabo kwetaba omuhururu egi.

“Tihariho nyikiriza yoona nainga obuhangwa oburikuhakanisa okubara abantu kandi omuntu weena orakwatwe nazibira okubarwa naija kuba yakora omushango kandi ebitongore by’okwerinda nibyija kumukoraho, Kania arikushoborora.

#WestUpdates