Omushaija orikugambwa kuba aitsire omukundwa we akwatsirwe.

N’ebya John Masaba

LUWERO- Pooriisi omuri Luwero etandikire kucondooza aha ku omukazi afiiremu.

Omukazi otakamanyirwe mazina nagambwa kuba aitsirwe omu kasheeshe ka Sande ebiro 21/04/2024 omu kyaro ekya Vumba omu muruka gwa Kakabala omu gomborora eya Butuntumula omu disiturikiti ya Luwero.

Sam Twineamazima, Omugambirizi wa Pooriisi ahabw’ekyanga ekya Savannah nagira ngu okucondooza okwahikireho nikworeka ngu omugyenzi aizire n’omwana we kuruga omu disiturikiti eya Namutumba kwija kureeba aha mushaija we beitu kuruga ayija babaire nibatuura hamwe kandi baizire baizire bagiramu obuteikirizana.

Nagamba nyakukwatwa nka; Sosipetero Musana, omukozi w’emirimo yarijarija arikwongyeraho oku okucondooza okwahikireho nikworeka ngu omugyenzi abaasa kuna aniganigirwe.

Omu kasheeshe ka Sande, baariraanwa bahuriire omwana arikuririra omunju kandi ku bagiireyo kureeba okuyaba bashanga enju eyigwire kandi omugyenzi hamwe na nyakuteekatekwaho babaire babyami ahansi, Okurugiirira ahari Twineamazima.

Pooriisi neegira ngu omutumbi gw’omukazi gubaire gutemire ahangaro n’ahamaraka gye.

Musana (orikuteekateekwaho) abaire atakumanya byeruguru kandi Pooriisi eshangire nanuka obutwa bwembeba.

Twiineamazima naagira ngu omushango gw’okwita gwigwirweho aha Pooriisi ya Luwero kandi Musana akwatsirwe kubaasa kuhweraho Pooriisi omu kucondooza kwayo.

#WestUpdates