The Most Rev. Luigi Bianco, the Apostolic Nuncio in Uganda hamwe na Biishopu Sabino Ocan Odoki barikuruga aha mukoro gwa Biishopu ogw'okujaguza emyaka 40 omuri Arua aharwamukaaga ebiro 28/10/2023.

N’ebya Robert Adiga

ARUA

Purezidenti Yoweri Kaguta Museveni asiimire amaramizo ahabw’okwebembera purogyekiti z’entunguuka omu byanga byabo.

Ebigambo bya Purezidenti bibaire biri omu butumwa bwe obumushomiirwe Minisita w’ekikura ky’abantu, Betty Among omujwekiire aha mukoro gw’’okujaguza emyaka 40 ei Rev. Sabino Ocan Odoki- Biishopu wa Dayosiisi ya Arua yahisya omu buheereza. 

Omukoro ogu gubaire aha kishaayi ky’eishomero ery Ediofe boy’s Primary School omu rurembo orwa Arua aharwamukaaga.

Minisita Betty Amongi Akena hamwe Biishopu Sabino Ocan Odoki aha mukoro gwa Biishopu ogw'okujaguza emyaka 40 omu buheereza. Photos by Robert Adiga.

Purezidenti owagambire ahari Biishopu Sabino Ocan Odoki nka munywani we, agizire ngu amaani gakozire omurimo muhango ogugakozire omu kwongyerera aha maani ga gavumenit ag’okutunguura emiturire y’abantu obwo garikuhisya obuheereza bw’eby’amagara n’eby’obwegyese haihi n’abantu.

Bamwe aha banyadiini abahikire aha mukoro gwa Biishopu Sabino Ocan Odoki ogw'okujaguza emyaka 40.ianco During The Celebrations

Purezidenti asiimire ekereziya ahabw’okwegyesa emicwe mirungi aha bakuratsi baabo obwo barikujumirira ebikorwa bibi omuri obushomankuzi, okuhonga abantu, okutuntuza abaana, okushweza abaana bakiri bato n’ebindi bingi.

Ebyo bikiri aho, minisita w’eihanga ow’entunguuka y’endembo, Obiga Kania asiimire Biishopu Odoki ahabw’okutandikaho purogyekiti zitari zimwe z’entunguuka omu dayosiisi egi.

Biishopu Sabino Ocan Odoki owa Arua Catholic Diocese

Minisita Kania nabwo ahire abakuristo n’abeebembezi okushagika purogyekiti ya Biishopu ey’okutandikaho amaka agu abaheereza ba mukama abarikuhuumura kuturamu omu Dayosiisi egi.

Gervase Ndyanabo, Ishabakuristo omu Uganda kandi omuhwezi wa Mukuru wa Kampuni ya Vision Group asiimire Biishopu Odoki ahabw’okukwatanisa gye n’abaikiriza boona omu kureetaho obumwe omu Dayosiisi egi.

Biishopu Sabino Ocan Odoki owakana kuruga bumosho hamwe na Rev. Luigi Bianco- Apostlic Nuncio in Uganda n'abandi banyadiini abahikire aha mukoro gw'okujaguza emyaka 40. And The Archbishop Odama After The Servive At Ediofe

Paapa Francis omu butumwa bwe obumushomiirwe the Most Rev. Luigi Bianco, the Apostolic Nuncio in Uganda asiimire Biishopi Odoki ahabw’okugira okwikiriza n’okukora n’amaani kandi amushabire kugumizamu orugyendo rwe rw’amatsiko, okwikiriza hamwe n’okukora ebikorwa by’embabazi.

Abaana barikucamura enkuyanja y'abantu abahikire aha mukoro gwa Biishopu Sabino Ocan Odoki ogw'okusiima n'okujaguza emyaka 40.obatics During The Celebration

#WestUpdates