Mubajje na Waiswa baraahiziibwe bwanyima y’orukiiko orukuru orwaba Sheikh kubarabyamu ahabw’encuro endaijo ey’emyaka 5 omu ofiisi.

N’ebya Omushaki Weitu

KAMPALA

Sheikh Shaban Ramadhan Mubajje araahiziibwe nka Mufti wa Uganda ahabw’encuro ye endaijo ey’emyaka 5.

Mubajje atandikire encuro ye ensya nyomwebazyo ebiro 13.03.2025 bwanyima y’okurahizibwa aha kitebe kikuru ky’obusiraamu ekya Uganda Muslim Supreme Council omuri Kampala kandi omukoro ogu gubaire gukuriirwe Sheikh Zayid Swaleh Lubanga, Dayirekita wa Sharia.

Sheikh Muhammad Ali Waiswa, Omuhwezi w’okubanza wa Mufti wa Uganda oherize kujaguza okuhisya emyaka 70 nawe agarukire yarahizibwa ahabw’encuro endaijo ey’emyaka 5.

Mubajje na Waiswa baraahiziibwe bwanyima y’orukiiko orukuru orwaba Sheikh kubarabyamu ahabw’encuro endaijo ey’emyaka 5 omu ofiisi.

Okurugiirira aha ngyenderwaho y’obusiraamu enkuru, Mubajje na Waiswa babaire bashemeriire kuba nibaruga omu ofiisi bwanyima y’okuhisya emyaka 70 beitu ahabiro 13.07.2022, orukiiko orukuru orwaba Sheikh rukahindura omungyenderwaho egi nikwo kwikiriza Mufti kuheereza mpaka ahikize emyaka 75.

Omukuhakanisa empinduka ezaakozirwe omungyenderwaho y’obusiraamu, abasiraamu 4 aha kutandika kw’okwezi oku batwire omushango omu kooti barikuhababira Mubajje n’aba memba 43 abarikwebembera ekitebe kikuru ky’obusiraamu hamwe n’orukiiko orukuru orwaba Sheikh.

Okuhurira omushango ogu kuriho ebiro 19.03.2025.

#WestUpdates