Mubarak Munyagwa kwesimba ahabwa Purezidenti omu ka 2026.

N’ebya Omushaki weitu

KAMPALA

Owabaireho Omuny’eishengyero wa Kawempe South, Mubarak Munyagwa arangiriire ku arikuza kwesimba ahantebe y’obwa Purezidenti omu karuuru ka boona aka 2026.

Munyagwa okurangiirira kwesimba aha ntebe egi kwizireho bwanyima y’okurahizibwa nk’omwebembezi w’ekigombe ekya Common Man’s Party ekyabaire nikimanywa nk’ekya Uganda Economic Party.

Munyagwa agambire ebi Orwakabiri ebiro 15.07.2025 aha mukoro gw’okutongozaho ekigombe eki ogubaire ahari Jacaranda Gardens omuri Rubaga, Kampala.

Ekigombe ekya Common Man’s party ekyabandize kuhandiikwa ahabiro 14.12.2004 kandi ekitakahamibwa ga akakiiko k’eby’oburuuru kitwire kitarikukora.

Akamanyiso k’ekigombe ekya Common Man's Party n’orusaniya aku abeebembezi bakyo barikugira ngu nikoreka oburinganiza ahi buri muntu arikuganyirwa omunkora niyo emwe.

Bamwe omu beebembezi b’ekigombe ekya Common Man’s Party barimu; Owabaire ari omushuganisa w’ekigombe ekya NUP ahabw’ekyanga ekya Busoga Moses Birigwa arahiziibwe nk’omuhandiiki mukuru w’ekigombe eki hamwe na Muhamood Mutazindwa, owayesimbireho aha ntebe y’omuny’eishengyero wa Kawempe North aha kakongi aka FDC.

#WestUpdates