“Mukoresegye sente ezi Gavumenti erikubaha z’entunguuka” – Joel Ssenyonyi...(Photo by Angella Naturinda)

N’ebya Angella Naturinda

Ntungamo:

Orikwebembera orubaju orurikuhabura Gavumenti nasiima emirimo eriyo nekorwa aha fakitore y’omwani eya Africa Coffee Park omuri Rwashamaire, disiturikiti ya Ntungamo.

Joel Ssenyonyi, orikwebembera orubaju oruhakani arikurambura Africa Coffee Park omuri Ntungamo...(Photo by Angella Naturinda)

Joel Ssenyonyi asiimire emirimo eriyo nekorwa aha fakitore egi kwonka nashaba ngu Gavumenti eshoboorore esente ezi egihikizemu kugira ngu hakaganyirwamu abantu abandi.

Ssenyonyi nabandi bany'eishengyero ab'orubaju oruhakani aha fakitore egi...(Photo by Angella Naturinda)

Ssenyonyi naagira ngu nk’orubaju oruhabuzi, nabo nibakunda eby’entunguuka n’okwongyera omutindo omu by’emishuuburo kandi hoona abashabire okugumizamu nibakoresagye sente za Gavumenti.

Nelson Tugume, Mukuru wa fakitore eya Africa Coffee Park...(Photo by Angella Naturinda)

Nelson Tugume, Mukuru wa fakitore eya Africa Coffee Park ashabire abany’eishengyero okwongyera kumushagika omuhururu y’okutunguura omutindo gw’omwani omu eihanga.

Abanya Uganda bahabwirwe okugumizamu nibahinga omwani...(Photo by Angella Naturinda)

Ogu naagira ngu fakitore egi obwahati ehikire ahabucweka 75 ahari 100 kandi neija kuha akatare abahingi hamwe n’emirimo abanya Uganda.

Bata Kamateneti, Omuny'eishengyerokazi wa disiturikiti eya Ntungamo...(Photo by Angella Naturinda)

Bata Kamateneti, Omuny’eishengyerokazi wa disiturikiti ya Ntungamo ashabire abany’eishengyero kushagika okutandikaho fakitore nk’ezi omubyanga byoona kutunguura obuhingi bw’omwani omu Uganda.

#WestUpdates