Murekye okubaganisamu amataka ganyu – PM Nabbanja..Photo by Michael Tumwakire

Murekye okubaganisamu amataka ganyu – Nabbanja

N’ebya Michael Tumwakire

Kabale:

Enganzi y’eihanga, Robinah Nabbanja yaajumirira abanya Uganda abarikubaganisamu amataka gaabo.

Ebi Nabbanja yaabigamba obu yaaba ari omugyenyi mukuru ahamikoro y’okujaguza akiro ky’abakazi ahabwa disiturikiti ya Kabale.

Nabbanja yaaba ari omugyenyi mukuru ahakiro ky'okujaguza ekiro ky'abakazi omuri Kabale...(Photo by Michael Tumwakire)

Enkuyanja y’abantu yahika ahakishaayi kya Kyanamira okwemurikira ekiro ky’abakazi ahabwa disiturikiti ya Kabale kandi abeembembezi ahandengo zoona bahiisa omukoro ogu ekitiinisa.

Omuny’eishengyerokazi wa disiturikiti ya Kabale yaasiima Purezidenti Museveni hamwe na gavumenti ahabw’okuhwera abakazi okutunga entaasya y’omumaka kurabira puroguraamu nka PDM, Emyooga n’ezindi.

Nabbanja yaaba ari omugyenyi mukuru ahakiro ky'okujaguza ekiro ky'abakazi omuri Kabale...(Photo by Michael Tumwakire)

Abakazi aba bashaba gavumenti okubakwatiraho omu kutunguura amarwariro gaabo hamwe n’okubaheereza ambulance okuhwera abakazi abarikuzaarira omubyaro.

Denis Nshangabashaija, LC5 Ceeyamaani Kabale...(Photo by Michael Tumwakire)

Enganzi y’eihanga, Robinah Nabbanja, owaba ari omugyenyi mukuru yashaba abazaire obutabaganisa amataka gaabo beitu ngu bahwere abaana baabo okugakozesa gari hamwe. 

Nabbanja yaaba ari omugyenyi mukuru ahakiro ky'okujaguza ekiro ky'abakazi omuri Kabale...(Photo by Michael Tumwakire)

Nabbanja yaayoreka obuhinza mutima ahabw’omubaro gw’abaana abarikutandika okushoma bakabura okuhendera ahabwa bakuru b’amashomero abarikushaba fiizi erengaine.

Bamwe ahabeebembezi abahika ahamikoro egi

Nababnja yabaheereza miriyooni 10 omukibiina ky’abakazi nikwo n’okubakwatsa cheque ya miriyooni 240 omu sacco y’emyooga okwongyera okuhwera abatuura okweyiha omubworo.

#WestUpdates
#RadioWestAt25