Purezidenti ayongyeire yaraganisa kushagika eikorero n’ebintu ebirikwetaagisa kureebeka ngu ryaheza okwombekwa omubwire. PHOTOs by PPU.

N’ebya Andrew Tushabe

NTUNGAMO

Purezidenti Yoweri Museveni arabwire abarikutiinisiriza abahingi b’omwani agumize ngu beegyendesereze ahabw’okuba naija kubakoraho

Okurabura oku kwizire ho bwanyima y’ebigambo bya mukuru w’eikorero eri Nelson Tugume. 

Purezidenti okurabura oku akukozire Orwakabiri ebiro 21.05.2024, obu abeire naarambura emirimo y’okutaho eikorero ry’omwani, erya Inspire Africa Coffee factory, omu tauni kanso ya Rwashamaire omu disiturikiti ya Ntungamo. 

Okurabura oku kwizire ho bwanyima y’ebigambo bya mukuru w’eikorero eri Nelson Tugume. 

“Turi aharutaro n’abantu baingi, abamwe nibateekateeka ngu nitubaryaho kyamushana yaabo,” Tugume nikwo agambeire Purezidenti Museveni. 

Okurabura oku kwizire ho bwanyima y’ebigambo bya mukuru w’eikorero eri Nelson Tugume. 

Okurugiirira ahari Museveni, nihaija kubaho enkwatanisa y’okwongyera omutindo omumwani gwa Uganda, eki ayetsire encuro ey’okubanza.

“Orugamba rw’omwani n’okwemereza okusiisikara kw’omwani ahabw’okuba Africa etwaire nefeerwa kumara obwire buraingwa,” Purezidenti Museveni nikwo agizire arikwongyeraho ngu omu Uganda ku orikuguza omwani gutasiire aheeru y’eihanga notunga doora 2 n’ekicweka, kandi ku orikuguza omwani omumahanga agatarikuhinga mwani nka Japan, nibagurabya omumakorero, reeru bo baguguza doora 40, ekintu ekitari ky’oburingaaniza,” nikwo Purezidenti agizire. 

Okuta empiiha omumwani
Kuruga omugwa 2023, Gavumenti etwire neeta sente omumiringo ei omwani gurikwongyerwamu omutindo barikurabira omukibiina ky’abeeteeraine ekya Coffee Investment Consortium Uganda (CICU) kwongyera ahasente ezirikuruga omumwani ogurikuguzibwa aheeru y’eihanga, kuhangaho emirimo hamwe n’okwongyera ahamihendo ei barikuguriraho omwani kuruga omubahingi. 

CICU neegaita abantu abarikukwatwaho nainga abaine omukono omumwani omu ihanga kwongyera ahamutindo hamwe n’okwinegyeza okuguza omwani ogwongyeirwemu omutindo eihanga. 

Omumwaka gw’eby’esente ogwa 2023/2024, Gavumenti ekataho obuhwezi kurabira omukitongore ky’ebya sayansi na tekinologiya bakuriirwe ofiisi y’omwebembezi w’eihanga bagyendereire kwombeka omwanya gw’amakorero omu tauni kanso ya Rwashamaire. 

Emirimo y’okwombeka, eyatandikire omukwezi kwa ikumi omwaka oguhwaire obwa hati yaahika ahabicweka 60 ahari 100 kuhwa kandi neteekateekwa kuhwa omukwezi kwa 12 omwaka ogu. Bwanyima y’okuhwa, omwanya ogu nigwija kuba nigukora omwani, eby’okunywa ebirikukorwa omumwani nka Drip Coffee, Malt Coffee, Coffee Energy Drink hamwe n’ebintu ebirikukoresibwa kuboneza emibiri y’abantu (Beauty Cosmetics).

Na bwanyima emiringo erikukoresibwa kwongyera omutindo neija kandi hoona kwongyera n’aha sente ezirikuruga omumwani gwa Uganda kuruga ahari 1,000,000,000,000 eza Doora ya Amerika kuza ahari 4,000,000,000,000 eza doora za Amerika. 

Purezidenti ayongyeire yaraganisa kushagika eikorero n’ebintu ebirikwetaagisa kureebeka ngu ryaheza okwombekwa omubwire. 

Okuraganisa obushagiki. 
Omukurambura oku, Purezidenti Museveni agizire ngu ashemereirwe emirimo eriho negyenda omumaisho n’eikorero eri eryaahika ahabicweka 60 ahari 100.

Purezidenti ayongyeire yaraganisa kushagika eikorero n’ebintu ebirikwetaagisa kureebeka ngu ryaheza okwombekwa omubwire. 

“Tugume yaaba nangambira ebirikwetaagwa kumariira eikorero kandi niinyija kumushagika,” Purezidenti Museveni nikwo agizire.

Purezidenti Museveni agizire ngu naija kushagika Tugume omu birikwetaagwa kumariira eikorero eri.

Omuranga gw’obumwe

Purezidenti kandi hoona ashabire abatuura ba Ntungamo kwegaita, bakashagika kandi bakakora na Tugume ku baraabe nibenda ngu eikorero ryongyere ahantaasya ya disiturikiti yaabo hamwe n’eihanga ryona. 

Dr. Monica Musenero, Minisita w’ebya sayansi, tekinologiya, asiimire Purezidenti ahabw’okwija kushwijuma emirimo y’eikorero eri. 

Tugume nawe asiimire Purezidenti Museveni ahabw’okumwikiririzamu n ‘obu ekirooto ky’okutandikaho eikorero eri kyabeire nikireebeka nk’ekitarikubaasika kuhikiirira. Ayongyeire yaashaba abanya Ntungamo kushagika eikorero agumize ngu niriija kubagasha ririkuhangaho emirimo n’okwongyera ahamutindo gw’emituurir yaabo.

#WestUpdates