Purezidenti Museveni arikworekyerera abantu ba disiturikiti ya Kakumiro oku baine kuheereza ente zaabo ebinyatsi. Photos by PPU.

N’ebya Beth Akatukunda

KAKUMIRO:

Purezidenti Yoweri Kaguta Museveni arambwire za faamu ezirho enkora ya 4-acre model plan omu disiturikiti eya Kakumiro.

Purezidenti Museveni arikurambura faamu eziriho enkora ya 4-acre model plan omu disituriki eya Kakumiro.

Okurambira kwa Purezidenti oku akozire Orwakataano ebiro 15.11.2024 kutandikiire aha faamu ya Kamanyire Demonstration Farm ei mukama waayo ari minisita w’eihanga ow’eby’entambura, Fred Byamukama.

Byamukama nakoresa faamu egi kuriisizaho ente z’omu kiju (zero grazing), empunu kandi naariisizaho n’enkoko.

Purogyekiti y'enkoko eya Minisita Fred Byamukama ei arikukorera aha faamu ye.

Purezidenti Museveni nabwo atwire obwire bwe yarambura za faamu ezindi kandi asiimire omurimo ogukozirwe Byamukama omu kutunguura eby’obuhingi n’oburiisa.

Purezidenti Yoweri Museveni arikutema ebinyaansi by'ente aha faamu ya minisita w'eihanga ow'eby'entambura, Fred Byamukama omuri Kakumiro.

Purezidenti agarukire yarambura omusiri gw’enanaatsi ahi asharwire enanansi nk’akamanyiso akarikworeka ngu nashaggika okuhinga ebijuma.

Purezidenti Museveni arikushashura enanaansi aha faamu ya Kamanyire Demonstration Farm omu disiturikiti eya Kakumiro.

Kwongyereraho, Museveni arambwire enkora y’okwitirira ebihingwa ey’okukoresa amashanyarazi g’eizooba (Solar energy).

Purogyekiti ekateebwaho kubaasa kuhwera abahingi b’omu byaro abaine amataka makye okuguma nibashashura omu bwingi kurabira omu kwitirira emisiri yaabo.

Purezidenti na bwanyima arambwire faamu ya Sylivia Namubiru, emwe ahari purogyekiti za Kamanyire ez’eby’obuhingi n’oburiisa.

Faamu erikushangwa omu kyaro ekya Kikwaya, eriho omwani, orutookye, purogyekiti y’empuni, ente z’omu kiju hamwe n’ente z’amate.

Purezidenti Museveni arikugogora omutumba ahari Kamanyire Demonstration Farm omuri Kakumiro.

Omukoro ogu guhikirweho minisita w’eby’obuhingi n’oburiisa, Frank Tumwebaze, minisita w’eihanga ow’eby’oburambuzi, Martin Mugarra Bahinduka, abany’ishengyero n’abandi.

Purezidenti Museveni arikwiha ebinyaansi by'ente kuruga omuri Kamanyire Demonstration Farm omuri Kakumiro.

#WestUpdates