Purezidenti Yoweri Museveni ayaakiire obutumwa bw’omutaano kuruga owa Purezidenti w’eihanga erya Djibouti, Ismail Omar Guelleh. PPU Photos.

N’ebya Omushaki weitu

KAMPALA

Purezidenti Yoweri Museveni ayaakiire obutumwa bw’omutaano kuruga owa Purezidenti w’eihanga erya Djibouti, Ismail Omar Guelleh. 

Obutumwa obu buretsirwe entumwa y’omutaano ya Djibouti, nabwo ari minisita w’enshonga z’aheeru, Mahamoud Ali Youssouf nyomwebazyo aha maka g’obwa Purezidenti, Entebbe.

Omu butumwa obu, Purezidenti Museveni asiimirwe ahabw’okwebembera ehururu y’okureetaho obusingye n’entunguuka oteireho n’obutungi ahabw’abantu b’omu kyanga eki.

Arikwakira Youssouf omu Uganda, Purezidenti Museveni agambiire omugyenyi we ngu okugira okworekwa n’ekigyendererwa ni kikuru munonga omu kureetaho obutungi.

Agambiire aha bigyendererwa bya gavumenti ya NRM eby’okureeba ngu abantu bakunda eihanga ryabo, Africa, enkora ya demokurasiya hamwe n’okureetaho entunguuka.

Beitu hoona, Purezidenti Museveni akyorekire ngu ekirikuteeganisa amahanga mingi ga Africca n’ahabw’eby’obutegyeki eby’okubaganisamu abantu.

Entumwa y’omutaano eya Djibouti abaire ashendekyereziibwe ambasada wa Djibouti omuri Ethiopia, Abdi Mahamoud Eybe.

#WestUpdates