Ba ambasada aba bahaireyo ebihandiiko byabo omu eihangwe gwa nyomwebazyo aha maka g’obwa Purezidenti, Entebbe. PPU Photos.

N’ebya Beth Akatukunda

ENTEBBE

Purezidenti Yoweri Museveni atungire ebihandiiko kuruga omuri ba ambasada 6 abasya abaherize kutooranwa kwija omu Uganda. 

Ba ambasada aba bahaireyo ebihandiiko byabo omu eihangwe gwa nyomwebazyo aha maka g’obwa Purezidenti, Entebbe.

Ba ambasada 6 aba barimu; Sasayama Takuya, ambasada wa Japan omu Uganda, Mohammad Khalil E. Faroudah, owa Saudi Arabia omu Uganda, Miroslaw Gojdz, owa Polanda omu Uganda, Jenny Da Rin, owa Australia omu Uganda, Mohammed Mutair, ambasada wa Qatar omu Uganda na Ruzaimi Mohamad, owa Malaysia omu Uganda.

Omu kiganiiro kye na ambasada wa Japan omu Uganda- Sasayama Takuya, Purezidenti Museveni ayorekire okushemererwa ahabw’enkwatanisa n’omukago ebi Japan eine na gavumenti ya Uganda na munonga omu kitongore ky’eby’enguuto n’ebindi.

Ambasada Sasayama asiimire Purezidneti Museveni na tiimu ahabw’okumwakiira gye kandi araganiise kwongyera kuhamya enkwatanisa ahagati y’amahanga aga 2 na munonga omu kureeba ngu za kampuni za Japan zayeyongyera kwija omu Uganda kukoreramu bizinesi. 

Ambasada Sasayama asiimire Purezidneti Museveni na tiimu ahabw’okumwakiira gye kandi araganiise kwongyera kuhamya enkwatanisa ahagati y’amahanga aga 2.

Japan na Uganda zigumiiseho enkwatanisa nungi omu by’entaasya kumara emyaka mingi kurabira omu kuta omunkora purogyekiti na puroguraamu zitari zimwe.

Mohammed Bin Khalil Faroudah, ambasada omusya owa Saudi Arabia omu Uganda nawe ahaireyo ebihandiiko bye owa Purezidenti Museveni. 

Omukuhayo ebihandiiko ebi, ambasada Khalil ahikize obutumwa bw’amagara marungi ahari Purezidenti Museveni kuruga ow’omugabe wa Saudi Arabia.

“Nyine okushemererwa ahabw’okubugana omwebembezi w’ekitiinisa nk’iwe kandi ninkureetera endaamusyo n’obutumwa bw’okukwendeza amagara marungi kuruga ow’omugabe wa Saudi Arabia,” Ambasada Khalili arikugambaho na Museveni. Nindaganisa kukora ekirikubasika kureeba ngu omukago ahagati ya Saudi Arabia na Uganda gwagumaho.

Mohammed Bin Khalil Faroudah, ambasada omusya owa Saudi Arabia omu Uganda nawe ahaireyo ebihandiiko bye owa Purezidenti Museveni. 

Purezidenti Museveni akoriise omugisha ogu kushaba za kampuni z’omuri Saudi Arabia kwija zikata esente omu Uganda arikukyoreka ngu omu Uganda harimu omugisha gw’eby’obushuubuzi.

Na bwanyima, Purezidenti ayakiire ebihandiiko kuruga owa ambasada omusya owa Poland omu Uganda, Miroslaw Gojdz. Aine amatsiko mingi omukago gw’okukorera hamwe ahagati ya Poland na Uganda nigwija kugumaho.

Purezidenti ayakiire ebihandiiko kuruga owa ambasada omusya owa Poland omu Uganda, Miroslaw Gojdz.

Museveni hamwe na ambasada wa Australua, Jenny Da Rin, baganiire ahanshonga zitari zimwe omuri okukwatanisa omu by’obushuubuzi, amakorero hamwe n’eby’oburambuzi ahagati y’amahanga aga 2.

Purezidenti nabwo ayakiire ebihandiiko kuruga owa Ambasada wa Australia.

Omu kuhayo ebihandiiko bye owa Purezidenti Museveni, ambasada wa Qatar omu Uganda, Mohammed Mutair ayorekire okushemererwa ahabw’okuheebwa omugisha kukorera omu Uganda kandi araganiise kugumyaho enkwatanisa etwire ahagati y’amahanga aga 2. 

Agambire aha kukwatanisa kwa Qatar na Uganda na munonga omu kitongore eky’eby’obuhingi n’oburiisa.

Purezidenti Museveni ashabire za kampuni z’omu eihanga erya Qatar okuteekateeka ahaky’okwija bakakorera bizinesi omu Uganda okukira munonga ahakwongyera omutindo omu bihingwa n’ebindi omu kitongore ky’eby’obuhingi n’oburiisa.

Purezidenti Museveni, ambasada wa Qatar omu Uganda, Mohammed Mutair

Purezidenti Museveni aheendiire arikwakiira ebihandiiko kuruga owa ambasada omusya owa Malaysia omu Uganda, Ruzaimi Mohamad. 

Ruzaimi Mohamad asiimire Purezidenti ahabw’okumwakiira gye omu Uganda. 

Ruzaimi Mohamad asiimire Purezidenti ahabw’okumwakiira gye omu Uganda.

Museveni na Mohamad baganiire ahanshonga eziine akakwate n’okutunguura eby’obushuubuzi n’amakorero omu Uganda na Malaysia.

#WestUpdates