Museveni eyigwireho omwanya gw'amakorero ogwa Karamoja Presidential Industrial Hub omuri Napak aharwakashatu ebiro 04.12.2024 omuri Napak. Photos by PPU.

N’ebya Beth Akatukunda

NAPAK

Purezidenti Yoweri Museveni nashaba abantu b’omu kyanga ekya Karamoja okwejumbira omubuhingi n’oburiisa obw’ekibaro, eby’amakorero n’omubindi bitongore ebirabareetere entaasya bakarwanisa obworo omu maka gaabo oteireho n’okureetaho obutungi.

Purezidenti agambire ebi Orwakashatu ebiro 04.12.2024 obu abaire nayiguraho omwanya gw’amakorero ogwa Karamoja Presidential Industrial Hub omu tauni kanso ya Lokitedede omu disiturikiti eya Napak.

Museveni eyigwireho Karamoja Presidential Industrial Hub omuri Napak.

Agambiire abahikire aha mukoro ogu ngu ebitongore 4 ebikuru omu kureetaho obutungi ebirimu okwejumbira omubuhingi n’oburiisa obw’ekibaro ahabw’okwenda kugira eby’okurya birikumara, amakorero, obuheereza nk’obw’eby’obwegyese, eby’amagara n’okwejumba omukukoresa enkora ya tekinologiya nibyija kuhwera Uganda kutunguuka.

Museveni eyigwireho Karamoja Presidential Industrial Hub omuri Napak.

Purezidenti ashabire abantu ba Karamoja okwebembeza eby’obwegyese, eby’amagara n’enshonga z’amashanyarazi obwo barikuruga aha kuteekyesa enku bakaza omubintu ebirabareetere esente.

Museveni eyigwireho Karamoja Presidential Industrial Hub omuri Napak.

Museveni araganiise kwongyera kushagika omwanya ogwa Karamoja Presidential Industrial Hub omuri okutendeka abantu omu kukanika emotoka, okubiija n’ebindi.

#WestUpdates