Orukiiko oru rubaire aha maka g’obwa Purezidenti, Entebbe aharw’okubanza. PHOTOs: PPU.

N’ebya Beth Akatukunda

ENTEBBE

Purezidenti Yoweri Museveni abugaineho guruupu y’abanyamyooga omu by’entunguuka (Investors) kuruga China ababaire beebembirwe Yang Yi Xin, Omuhwezi wa Purezidenti w’ekitongore ky’amashanyarazi ekya Sinohydro Corporation Limited. 

Orukiiko oru rubaire aha maka g’obwa Purezidenti, Entebbe aharw’okubanza.

Sinohydro Corporation Limited, n’ekitongore ekyahairwe konturakiti gavumenti ya Uganda kwombeka omwanya gw’amashanyarazi ogwa Karuma Hydropower Station omu disiturikiti eya Kiryandongo. Purogyekiti y’amashanyarazi eya Karuma neija kumaraho shiringi trillion 5.6.

Omu rukiiko oru, Purezidenti Museveni hamwe n’abanyamyooga omu by'entunguuka baganiire munonga ahakukwatanisa omu purogyekiti z’amashanyarazi eziri omu Uganda.

Xin ayorekire okwehayo kw’ekitongore ekya Sinohdyro Corporation Limited omu kukwatanisa na gavumenti ya Uganda kutunguura purogyekiti z’amashanyarazi.

Purezidenti Museveni ashoboriire ngu purogyekiti erimu okukora aha layini y’okutwara amashanyarazi eya kiromita 138, okuhangusya emyanya endiijo ey’amashanyarazi ogwa Olwiyo hamwe n’ogwa Karuma oteireho n’okwombeka omwanya omusya ogw’amashanyarazi erikwija kumaraho Dollar miriyooni 180 kandi neija kuhwera omu myaka 2.

Orukiiko oru rubaire aha maka g’obwa Purezidenti, Entebbe aharw’okubanza.

Xin ayorekire okwehayo kw’ekitongore ekya Sinohdyro Corporation Limited omu kukwatanisa na gavumenti ya Uganda kutunguura purogyekiti z’amashanyarazi.

Omu bigambo bye, Lui Kai, Omuhwezi wa Purezidenti w’ekitongore ekya Power Channel International, agambire ahi purogyekiti egi yahika, obu erikuza kutongozibwaho n’abantu abarikuza kuganyirwa omu purogyekiti egi.

#WestUpdates