Muteebeekanise abeegi okukora omu majuta ga Bunyoro -Amatendekyero nigashabwa..(Photo by Thomas Tumwebaze)

N’ebya Thomas Tumwebaze

Kagadi:

Amatendekyero ag’ahaiguru nigashabwa okuheereza abeegi obukugu oburikubabaasiisa okukora omumajuta agari omu kyanga kya Bunyoro.

Ebi bigambirwe Rashid Ssemambo, orikukurira ekigombe ky’abaramuzi baaba siraamu omu eihanga obu abaire ari aha mukoro gw’okujweka abeegi 8 ahari African Rural University omuri Kagadi.

Abeegi 8 ahari African Rural University omuri Kagadi batendekirwe eby'okuhanga-hanga...(Photo by Thomas Tumwebaze)

Rashid Ssemambo naagira ngu eihanga hati niryetenga abeegi abeine obukugu omukukora emirimo etari emwe n’emwe namunonga omu by’okuhanga-hanga obwo eihanga ririyo niriza omunkora ey’amakorero.

Ssemambo naagira ngu ekyanga kya Bunyoro kirimu amajuta kandi ngu hati abakozi nibaruga aheeru kandi obundi nabo baaba batiine obukugu oburi kumara.

Abeegi 8 ahari African Rural University omuri Kagadi batendekirwe eby'okuhanga-hanga...(Photo by Thomas Tumwebaze)

Ssemambo abaire ari omugyenyi mukuru aha kujweka abeegi 8 abatendekirwe okutunguura ebyanga okumara emyaka 4 ahari African Rural University.

Ssemambo ayongiire yashaba amatendekyero hamwe n’abanya Uganda okweyongera okurinda eby’obuhangwa ebirikweyongera okushishikara buri zooba.

Abeegi 8 ahari African Rural University omuri Kagadi batendekirwe eby'okuhanga-hanga...(Photo by Thomas Tumwebaze)

Dr. Mwalimu Musheshe, ori Vice Chancellor wa African Rural University naagira ngu abeegi abu barikutendeka tibarikuza kuronda emirimo ahabw’okuba bakataho enkora y’okubaheereza emirimo kandi babaase kutunguura ebyaro ebirikuba byine oburemeezi omu buheereza.

Ogu n’omurundi gwa 10 Univasite egi erikutendeka abakozi b’okutunguura ebyanga kandi hati aba nibakorera omu disiturikiti 20 omu eihanga.

#WestUpdates