Mwine kukoresa emihanda endiijo, UNRA ehabwire ab’ebiruka aharwa Kampala-Masaka. Courtesy Photos.

N’ebya John Masaba

Ekitongore ky’ebyahanguuto ekya Traffic & Road Safety nikigira ngu ab’ebiruka abarikukoresa oruguuto orwa Masaka kuza Kampala baine kukores emihanda endiijo.

Eki kizireho bwanyima y’okusisikara kw’oruguuto aha Junction ya Kyengera na Buddo ekiretsirweho enjura y’amaani egwire omu kasheeshe ka Sande ebiro 21/04/2024.

"Nimuhaburwa kukoresa emihanda endiijo,” Okurugiirira aha kihandiiko ekishohoziibwe Michael Kananura, Omugambirizi wa Pooriisi y’eby’ahanguuto.

Ab’ebiruka abarikuruga Kampala kuza Masaka, Pooriisi nebahabura kukoresa oruguuto orwa Nakawuka-Buddo nainga Kitemu kubaasa kuhika aharuguuto orwa Kampala-Masaka.

Naingashi nibabaasa kukoresa oruguuto orwa Mityana-Buloba-Nsangu kuhika omuruguuto orwa Kampala-Masaka.

Ahari abo abarikuruga Masaka barikuza Kampala, Pooriisi nebahabura kukoresa orwa Kitemu nainga Buddo kuza Nakawuka kuza kuhika Kampala. Nainga nibabaasa kukoresa orwa Nsangi-Buloba-Mutyaba

Kananura nashaba abantu okugira okugumisiriza n’okugira emicwe bakakuratira engyenderwaho egi obwo Pooriisi hamwe n’ekitongore ky’enguuto ekya UNRA barikutaho oburyo bw’okukora ahasisikaire.

Eihanga ririyo niriteganisibwa enjura nyamwingi erikugwa ebiro ebi ekireteire enguuto nyingi zasisikara oteireho n’okucwekyereza ebihingwa by’abantu.

Omu disiturikiti eya Butaleja omuri Burugwa-Izooba bwa Uganda, omwijuzo gw’amaizi gushazireho oruguuto orwa Mbale-Butaleja kandi amashomero 5 gakingire.

Amaka mingi obwa hati tigaine bwegamo ahabw’amaju gaabo kutwarwa amaizi kandi ebihingwa byabo nabyo bicwekyereziibwe.

#WestUpdates