Okuhayana okw’amaani kuri ahagati ya minisita w’eihanga ow’eby’amagara, Hanifah Kawooya hamwe na Rtd. Maj. Gen. Phinehas Katirima.

N’ebya Omushaki weitu

SSEMBABULE

Akakiiko k’eby’oburuuru ak’ekigombe kya NRM kongiireyo oburuuru bw’ekigombe eki obwa disiturikiti ya Ssembabule omurundi gwa kashatu.

Aha murundi ogu, okwongyezayo oburuuru obu kwizireho bwanyima y’okufa kw’orikukurira oburuuru bwa NRM omuri Ssembabule, Joseph Katokozi ofeereire ah’eirwariro erya Mulago bwanyima y’okumara obwire buringwa arikuteganisibwa endwara y’ekookoro.

Ceeyamaani w’akakiiko k’eby’oburuuru ak’ekigombe ekya NRM, Dr Tanga Odoi abaire ateireho ekiro ky’eriizooba ebiro 01.08.2025 kuteereraho akaruuru ka mukuru w’ekigombe kya NRM ahabwa Ssembabule disiturikiti.

Okuhayana okw’amaani kuri ahagati ya minisita w’eihanga ow’eby’amagara, Hanifah Kawooya hamwe na Rtd. Maj. Gen. Phinehas Katirima.

Eki nikijaho bwanyima y’emivuyo eyabaire omu karuuru okwezi okuhwaire eyareteire abantu kubura kwetaba omu kuteera akaruuru aha kishaayi kya disiturikiti ahi Kawooya n’abashagiki be bayangire kuteera akaruuru ahabw’enshonga z’eby’amagara.

Ceeyamaani w’ekigombe kya NRM omuri Ssembabule oriyo nagyenda, Sam Kuteesa niwe arikwija kuguma omu ofiisi kuhisya obu mukuru w’ekigombe kya NRM ahabwa Ssembabule aratooranwe.

#WestUpdates