Okurugiirira aha kakiiko, buri muntu owataabarize naija kutunga encwamu omu mushango gwe omu biro 7 gwaheza kuhurirwa. Courtesy Photo.

N’ebya Omushaki weitu

KAMPALA

Obw’akakiiko ka NRM akateirweho kuhurira emishango eyarugiirire omu buruuru bw’ekigombe karikwiririra kuhendera okuhurira emishango y’abany’eishengyero, abataabarize nibeija kutunga encwamu omu mushango yaabo kurabira aha mikura ya kanyabwengye.

Okurugiirira aha kakiiko, buri muntu owataabarize naija kutunga encwamu omu mushango gwe omu biro 7 gwaheza kuhurirwa.

Okuhurira emishango egi okwatandikire ebiro 29.07.2025 nikuteekateekwa kuhwa ebiro 04.08.2025 kandi encwamu z’okubanza nizeija kuheebwayo ah’eizooba niryo rimwe.

Enock Barata, Orikukurira enshonga z’ebiragiro omu NRM naagira ngu encwamu nizeija kuheebwa bakitabaaza kurabira aha mikura ya kanyabwengye nk’aha e-mail n’aha WhatsApp kandi abarikwenda ‘copies’ z’encwamu y’emishango yaabo omu buhandiikye aha mpapura nibeija kuziheebwa aha kushaba kwabo.

Barata nakyoreka ngu ahabw’okwenda kuguma ahangyenderwaho y’akakiiko, omu kuhayo encwamu omu mishango y’abany’eishengyero, nabwo nibeija kuba nibahurira emishango eyarugiriire omu buruuru bwa gavumenti z’ebyanga.

Obwa hati, emishango 178 eyarugiriire omubururu bwa NRM obbwa gavumenti z’ebyanga niyo yaherize kuheebwayo omu kakiiko. 

#WestUpdates