Purezidenti Museveni akwatsize obwebembezi bwa IPOD Norbert Mao owa DP. PPU Photos

N’ebya Omushaki weitu

KOLOLO

Purezidenti Yoweri Museveni agarukire yashaba ebigombe by’obutegyeki omu Uganda okwejumbira omu bigaaniiro by’okureetaho obusingye kandi baangire kimwe obwimukyero obu eihanga ririkwetebeekanisiza akaruuru ka boona aka 2026.

Arikugambaho n’abeebembezi b’ebigombe 6 by’obutegyeki omu ruteerane rw’ekigombe ekirikugaita hamwe ebigombe by’obutegyeki ekya IPOD aha kishaayi Kololo, nyomwebazyo ebiro 18.09.2025.

Purezidenti Museveni nagira ngu ekizibu kya Africa n’obutamanyagye ebizibu ebirikuteganisa ebyanga hamwe n’okukoresa emiringo y’okureetaho obwimukyero.

Museveni agizire ngu okutunguuka kwa Uganda nikwema aha beebembezi kukyenga gye ebizibu ebirikuteganisa ebyanga kandi bakataho oburyo bw’okureetaho obusingye ahamwanya gw’okuza omu bwimukyero n’eby’obutegyeki eby’okubaganisamu abantu.

Oruteerane orwa IPOD rubaire ruri ahansi y’omutwe “Okugira obumwe ahabwa Uganda erimu obusingye n’entunguuka”. Ekigombe ekya IPOD nikigaita hamwe ebigombe by’obutegyeki ebirimu NRM, DP, UPC, FDC, JEEMA hamwe na PPP.

Omukugamba kwe, Purezidenti Museveni kandi ori ceeyamaani w’ekigombe ekya IPOD ashabire abeebembezi b’ebigombe by’orubaju oruhakani okutaho entebeekanisa y’okutaho ebigaaniiro by’okureetao obusingye arikugira ngu enshobi ezirikuba omu bwebembezi nizibaasa kugonjoorwa eihanga ryaguma ryine obusingye.

Nagira ngu ekizibu kya Africa n’obutamanyagye ebizibu ebirikuteganisa ebyanga hamwe n’okukoresa emiringo y’okureetaho obwimukyero.

Purezidenti ahamisiririize ebigyendererwa 4 bya NRM ebirimu okukunda eihanga, okukunda Africa, democracy homwe n’okutunguura entaasya y’eihanga n’amaka g’abantu ebiri bikuru munonga omu kugira ngu Uganda eboniire omu biro bya nyensya.

Aha mukoro ogu, Purezidenti Museveni ahaireyo obwebembezi bw’ekigombe ekya IPOD ahari Norbert Mao- Purezidenti w’ekigombe ekya DP.

#WestUpdates