Pooriisi etataaniise abesharingi ababaire nibahakanisa okukoma Owabaireho MP Twinamatsiko.

N’ebya Omushaki weitu

KIBAALE

Pooriisi pmuri Kakumiro nyomwabazyo etataaniise abesharingi ababaire nibahakanisa eky'okusindika owabaireho MP Onesmus Twinamatsiko orikugambwa kuba yateire enganzi y'eihanga, Robinah Nabbanja.

Pooriisi etataaniise abesharingi ababaire nibahakanisa okukoma Owabaireho MP Twinamatsiko.

Twinamatsiko niwe aine ebendera ya NRM ahantebe ya MP w'eishaza erya Bugangaizi East.

Kooti ya Kibaale ebaire ekuriirwe Omuramuzi Nasifa Namayanja, aharwakashatu ebiro 03.09.2025 eteireho Twinamatsiko omushango gw'okuteera Nabbanja akamuhutaaza.

Kooti ehuriire ngu Twinamatsiko akateera Nabbanja oruhi omu kavuyo akabaireho omu kurangiirira ebyarugire omu kuteera akaruuru ka NRM aka 'Primaries' aha biro 17.07.2025 aha ofiisi za NRM omuri Kakumiro.

N'obu nyakujunaanwa ayehakiine omushango ogu kandi akashaba kwemererwa, Omuramuzi amusindikire aha rumanda omu kihome kya gavumenti ekya Kibaale kuhisya ebiro 10.09.2025.

Aharwakana ebiro 04.09.2025, abesharingi beshukire aha nguuto z’omu tauni kanso ya Kisiita barikushaba ngu Twinamatsiko areekurwe kuruga omu kihome barikworeka obutari buringaniza, okushoroora omu bantu, okureetaho obwangane n’eby’obutegyeki by'enziro.

Pooriisi etataaniise abesharingi ababaire nibahakanisa okukoma Owabaireho MP Twinamatsiko.

Abesharingi babaire bakwise ebipande bihandikireho ngu Twinamatsiko akakwatwa yasindikwa aha rumanda etari y’oburinganiza ahabw’enshonga z’eby’obutegyeki.

#WestUpdates