Abaakwatwa bakomeirwe aha Pooriisi ya Kyegegwa kandi ente bazigarura omu faamu yaazo.. Photos by Philip Murangira.

N'ebya Philip Murangira     

KYEGEGWA                        

Pooriisi omu disiturikiti ya Kyegegwa eyebembeirwe Omuduumizi wa Pooriisi, Godfrey Ninsiima, burikusheesha eriizooba, baakwata abashaija 2 ahabw'okubateekateekaho okwiba ente 29 okuruga omu kiraaro kimwe.

Aba baabakwatira omu kishaayi kya Wekomiire omu tauni kanso ya Kyegegwa omu bwire bwa shaaha 9 z'ekiro baine ente ezi.

Ente baaba baziihire omu faamu ya Puriida Kahuma Andrew erikushangwa omuri Buringo B omu gomborora eya Kyegegwa.

Abaakwatwa barimu; Richard Arinaitwe orikumanywa nka Mark w'emyaka 40 enzaarwa ya disiturikiti eya Rukiga kwonka orikutuura Kampala hamwe na Alex Baguma ou baingi barikumanya nka Rasi w'emyaka 30 omutuura wa Buringo kandi Ente baaba baziihire omu faamu ya Puriida Kahuma Andrew erikushangwa omuri Buringo B omu gomborora eya Kyegegwa.

Okukwatwa kwaba kwaijaho bwanyima y'aba kuteerera esimu omutuura omwe w'omu tauni ya Wekomiire owamanywa nka Steven Kimuri barikumugira ngu abasherurire akatare k'ente zirikurenga 30 nikwo nawe kugambira Omuduumizi wa Pooriisi ya Kyegegwa owaija arikweshushaniriza nk'omuguzi w'ente akahendera abakwatsire.

Okurugiirira ahari Charles Barugahare, ababiri aba nibwo babaire barugire omu kihome bwanyima yokwiba ebicoori bya mukama w'ente ezi, obu Richard Arinaitwe, yaabaire arikukora nka manegya wa faamu egi. 

Abatuura nibagira ngu baruhire abashuma ngu ahabw'okuba babaremeise okutunga.

DPC Godfrey Ninsiima yaasiima abamuhaire amakuru g'ente ezi kandi yaahiga abatuura okukwatanisa na Pooriisi okuguma nibaheereza Pooriisi amakuru nkaga.

Omuduumizi wa Pooriisi ahabwa disiturikiti eya Kyegegwa, Godfrey Ninsiima.

Abaakwatwa bakomeirwe aha Pooriisi ya Kyegegwa kandi ente bazigarura omu faamu yaazo.                                     

Abakwatwa bayanga kugira eki bagamba ahanshonga egi.

#WestUpdates