Okurwana omuri Lebanon kwemerezibwa kutandiika n’eriizooba.

N’ebya Omushaki weitu

LEBANON

Endagaano y’okwemereza okurwana okumazire ameezi 13 ahagati ya Isreal na Hezbollah omuri Lebanon eikiriziinweho embaju zombi, Okurugiirira aha birangiriirwe Purezidenti wa America, Joe Biden.

Okutandika n’eriizooba Orwakashatu ebiro 27.11.2024, okurwana ahansharo ya Isreal na Lebanon nikwija kwemerezibwa.

Purezidenti Biden nayongyeraho ng endagaano egi nabwo egyendereire kuba ey’obutwire kumariraho kimwe okurwana oku.

Enganzi y’eihanga erya Isreal, Benjamin Netanyahu terikwija kubura kugaruka kurwana, aba Hezbollah baaba batakuratiire endagaano egi.

Guruupu y’abanyambundu baaba Hezbollah abatwire nibashagikwa Iran omu kurwana okwo kuruga okwezi kwa 10, 2023 tihaine ekibagambire ahandagaano egi ekozirwe.

#WestUpdates