Abairuki, Joshua Cheptegei na Peruth Chemutai, bwanyima y'okuhika Kapchorwa aha Sande ebiro 18.08.2024. PHOTO: Silas Omagor

N’ebya Javier Silas Omagor
Okugaruka kw’abasinguzi b’emidaari ya Olympics, Peruth Chemutai na Joshua Cheptegei kureeteire eby’obushuubuzi omumatauni ga Kapchorwa na Muyembe byasharara.

Amagana g’abantu beeshukire omutauni ya Muyembe omuri Bulambuli na Kapchorwa kwakiira amamanzi Cheptegei na Chemutai na bataahi baabo, nikwo kureetera emirimo y’eby’obushuubuzi kwekwata kumara akaire.

Omukujaguza kw’amaani, abasinguzi Cheptegei na Chemutai bagarukire omuka ahi barikuzaarwa aha Sande ebiro 18.08.2024 kandi baayakiirwa n’amaani maingi. 
Okugaruka kwabo kureeteire omubaro gw’abashagiki baabo kweshuka ahanguuto kubareebaho n’agaabo. 

Etauni ya Kapchorwa eyemereizemu emirimo kwakiira abairuki Cheptegei na Chemutai ebiro 18.08.2024. PHOTO: Silas Omagorto By Javier Silas Omagor

 Cheptegei na Chemutai nabo babaire baine abandi bairuki b’ebiringwa abaabeire bagiire omuri Bufaransa omururembo Paris baine n’omutendeki waabo, Benjamin Njia.
Obwo orukarara rw’emotoka zaabo zirikuraba omumatauni agandi n’omu Munisiparite ya Kapchorwa, eby’enguuto nabyo bisharaire. 
Abashagiki b’abanyamizaano aba ab’emyaka etari emwe n’emwe beerunzire omurubanju rw’emihanda barikuhuuba ebendera hamwe n’ebyapa barikubakurusya obusinguzi. 

Beitu hoona eby’obushuubuzi n’emishuuburo nebigambwa kuba eyeyongyeire omubintu ebiine akakwate n’obusinguzi obwo amaduuka amaingi garikuguza ebiijukizo hamwe n’ebindi bintu ebiine akakwate n’eby’emizaano.
Abakungu kuruga omu Gavumenti y’ebyanga ey’omu disiturikiti ya Kapchorwa, beebembeirwe omukungu w’eby’emizaano, Alfred Tunde Musau, batebeekaniiseho akabaga k’okujaguza akatandikire n’embazo z’okusiima amamanzi aga.

WestUpdates