Abeebembezi omuri Hoima barikurambura eibikiro ry'eshagama eririyo niryombekwa..(Photo by Wilson Asiimwe)

Okwombeka eibikiro ry’eshagama ah’eirwariro erya Hoima

N’ebya Wilson Asiimwe

Okwombeka eibikiro ry’eshagama ah’eirwariro erya Hoima Regional Referral kwashemeza abatuura abatwaire baine ekizibu ky’eibura ry’eshagama.

Eibikiro eri ririyo niryombekwa Minisiture y’eby’amagara erikuhwerwaho World Bank kandi purogyekiti egi neija kuhezaho shiringi biriyooni 3.

Eibikiro eri niryija kuba ryiine ekyoma ky’okukyebera eshagama.

Eirwariro erya Hoima Regional Referral ritweire nirikyeberera eshagama ah’eibikiro ry’eshagama erya Nakasero.

Eibikiro ry’eshagama eri niryija kuheereza amarwariro 42 omukyanga ekya Bunyoro kurugiirira ahari Dr. Joseph Ruyonga, Omuny’eishengyero wa Hoima West kandi ori memba w’akakiiko ak’eby’amagara omu paramenti.

Ruyonga yashaba okutendeka abantu omuri Hoima kuba nibo bakore omu eibikiro erikandi yashaba abanya Uganda kugumizamu nibahayo eshagama.

Eirwariro erya Hoima ritweire nirirundana unit 12,000 z’eshagama buri mwaka omumwanya gwa unit 15,000 ezishemereirwe kuba nizirundanwa kurugiirira ahakitongore eky’eby’eshagama ekya Uganda Blood Transmission Services.

Badru Mugabi, RCC w’orurembo orwa Hoima yaagira ngu purogyekiti egi eshemereire kukorwa gye ahabw’okuba gavumenti eriyo negyezaho kutunguura amarwariro n’eby’obuheereza bw’eby’amagara.

#WestUpdates