Sam Omara otungire omurimo omu kampuni y'eby'okwerinda eya Arrow Security. PHOTOS: Ramadhan Abbey.

N’ebya Ramadhan Abbey

Owabaireho Assistant Commissioner omu kitongore kya Pooriisi ya Uganda, Sam Omara atoorainwe nk’omuhwezi wa mukuru wa kampuni y’eby’okwerinda eya Arrow Security orikujunanizibwa emirimo y’omu kampuni egi.

Ahabw’obukugu obu aine, Omara naija kuba naadumira kandi arikutegyeka nk’oku ekitongore eki kiine kukoramu emirimo.

Arikwanjurira Omara abakozi ba kampuni egi eya Arrow Security ofiisi zaayo omuri Luzira ebiro 14/08/2023, Capt. Mike Mukula- omuhwezi wa ceeyamaani wa NRM ahabw’ekyanga ekya Burugwa-izooba bwa Uganda agizire ngu bacwiremu kutoorana Omara ahabw’obukugu obu aine omu bintu by’eby’okwerinda.

Sam Omara, Capt. Micheal Mukula n'abandi bakozi ba kampuni y'eby'okwerinda eya Arrow Security.

Okurugiirira ahari Mukula, Omara namanya gye ebintu by’eby’okwerinda kandi aine amatsiko mingi ngu omurimo ogu naija kugukoragye.

 ‘’Nitwenda kureeba ngu eby’okwerinda byaba eby’okubanza omu eihanga na munonga omu by’emicwe hamwe n’okureeba ngu tihaine embundu eyakoresibwa kubi,” Mukula arikushoborora.

Omu bigambo bye, Omara asiimire Mukula ahabw’okugira omutima gw’okukunda eihanga, okumutoorana kuba omuhwezi wa mukuru wa kampuni eya Arrow Security arikugira ngu aine okushemererwa.

Omara ashabire abakozi okukorera hamwe kureeba ngu kampuni egi yahikiriza ebigyendererwa byayo.

Sam Omara naijukwa munonga omu bwire bwa walk to work omu mwaka gwa 2021 obu yazibira owabaireho Purezidenti wa FDC, Col. Dr. Kizza Besigye obutataaha omuri Kampala obu babaire nibahakanisa okweyongyera kw’emihendo y’ebintu kutemba.

Akaihwa ah’eidaara ry’obwa Senior Superitendenat of Police yateebwa ah’eidaara ry’obwa Assistant Commissioner.

#WestUpdates