Apollo Nyegamehe aka Aponye ofeereire omuri butandu..

Omubiri gwa Aponye gwatwarwa Kampala; Abahoonire bariyo nibaragurirwa

N’ebya Fred Turyakira

Omubiri gw’omugaiga rurangaanwa Apollo Nyegamehe aka Aponye gwatwarwa omuri Kampala, bwanyima y’eshaaha nkye aherize kufeerwa omuri butandu omuri Itojo, Ntungamo ahanguuto eya Mbarara-Kabale

Bwanyima ya butandu ebaireho ekiro ky’Orwakaana, omubiri gwa Aponye gutwirwe omukabafu ah’eirwariro erya Itojo kukyeberwa.

Beitu ab’eka bashabire kuhebwa omubiri gwe kubaasa kugutwara Kampala.

Emotoka ya Aponye ei atungiremu butandu

Pooriisi ey’ekyanga ekya Rwizi negira ngu emotoka ei Aponye abaire natamburiramu, Land Cruiser namba UBF 300Z etomeire Fuso namba UZA 767D ebaire eyemereire ahamuhanda haihi n’eirwariro rya Itojo, nikwo Aponye kufeeraho.

Kurugiirira ahamugambirizi wa pooriisi ey’ekyanga ekya Rwizi, Samson Kasasira, Aponye abaire naza Kabale. Abandi ababaire aine omumotoka aharimu murumuna, Joshua Karamuzi, 36 na dureeva Isabirye Buyinza, 48.

Aponye abaire ari omwe ahabashuubuzi b’ebicoori omu eihanga, abaire aine ebyombeko omuri Kampala, za bizinesi kandi hoona abaire ari ceyamaani w’ekibiina ekya NRM omu disiturikiti eya Rukiga.

#WestUpdates