Tushemeriire kukusiima, banywani ba Aponye kusharura esente z’okukora orufu.

Tushemeriire kukusiima, banywani ba Aponye kusharura esente z’okukora orufu.

N’ebya Eddie Ssejjoba

Omuhwezi wa Siipika wa Paramenti, Thomas Tayebwa, naashaba banywani b’omugyenzi Apollo Nyegamehe, omushuubuzi rurangaanwa orikumanywa munonga nka Aponye okurugayo bakashagika entebeekanisa z’okumuziika.

Tayebwa naagira ngu n’obu Aponye abaire ari omugaiga w’amaani, beitu banywani be baine kurugayo bakashagika eby’okumuziika obwo barikuhayo esente nk’akamanyiso k’okumusiima n’okwijuka ebi akozire.

Omuhwezi wa Siipika naashaba ab’eka y’omugyenzi Aponye obutagira esente yoona ei bashohoza aha kuziika omuntu waabo arikugira ngu obu nibwo bwire obu abantu abu Aponye yaahweriire n’okubakwata aha mukono okurugayo bakaba nibo bakora orufu nk’akamanyiso k’okumusiima.

Aponye, 64, afeeriire omuri butandu omu kiro ky’orwakana ahari Itojo aha ruguuto orwa Mbarara-Ntungamo omu disiturikiti eya Ntungamo.

Pooriisi negira ngu emotoka ei Aponye abaire natamburiramu etomiire ekimotoka ekihango ekibaire kyemeriire nikwo kumwitiraho.

Murumuna wa Aponye, Joshua Karamuzi hamwe na dureeva Moses Isabirye Buyinza bahonireho.

Arikugambira aha kikoomi ky’okuteramira omugyenzi, Siipika Tayebwa agizire ngu Aponye ashemeriire kusiimwa abantu boona abamuganyirwamu.

Naagira ngu akakiiko akarikutebeekanisa eby’okuziika, ahu Tayebwa arikuhweraho Chris Kaijuka barugiireyo n’embaririra eya shiringi miriyooni 250 kandi ahi bugiire kwirira Orwakataano, babaire barundineho miriyooni 120.

#WestUpdates