Omuhandiiki w’entuura omu Minisiture y’eby’obushuubuzi, Ssali yatsindikwa aha rumanda...Photo by Alfred Ochwo)

N’ebya Omushaki Waitu

Omuhandiiki w’entuura omu Minisiture y’eby’obushuubuzi, Geraldine Busuulwa Ssali yatwarwa omu kooti kandi yatsindikwa aha rumanda omukihome Luzira ahamishango y’obushomankuzi ekwatiraine n’okuryangatanisa sente ezabaire ziri ez’ekigombe ky’abeteraine.

Ssali yashomerwa emishango erimu okukoresa kubi ofiisi, okufeereza Gavumenti sente n’okuza omu rukwe rw’okwiba sente.

Omuhandiiki w’entuura omu Minisiture y’eby’obushuubuzi, Ssali yatsindikwa aha rumanda...(Photo by Alfred Ochwo)

Omuramuzi wa Kooti erikurwanisa obushomankuzi omuri Kampala, Joan Aciro yashomera Ssali emishango egi hamwe n’abany’eishengyero bashatu abarimu Michael Mawanda (Igara East), Mudimi Wamakuyu (Elgon County) na Paul Akamba (Busiki County).

Beitu omuramuzi tiyabaikiriza kwehozaho ahabw’okuba kooti teyine bujunaanizibwa bw’okuhurira omushango guremeire nk’ogwabo.

Geraldine Busuulwa Ssali, okwatsirwe nyomwabazyo yatwarwa omu kooti eriizooba...(Photo by Alfred Ochwo)

Abandi abarikujunaanwa harimu Leonard Kavundira, Omuhwezi wa karaani w’ebigombe by’abeteraine omu Minisiture y’eby’obushuubuzi na puriida Julius Kirya.

Orubaju oruhababi nirugira ngu Ssali n’abandi 5 abarikugambwaho, ahagati ya 2019-2023 bakaza omu rukwe rw’okiba biriyooni 3.4 za Gavumenti ezabaire ziri ez’okukaitira kampuni eya Buyaka Growers Cooperative Society.

#WestUpdates
#RadioWestAt25