Wednesday, February 12

Omukuumi ayitsire ‘landlord’ ahabwa ‘rent’ - Kampala

IMAGE: Imagine with Artificial Intelligence

N’ebya Simon Masaba

Omukuumi naagambwa kuba ayitsire mukama w’enju ei arikuraaramu, Henry Kiyega ow’emyaka 70 bwanyima y’okutongana ahabw’ebishare by’enju ebibaire bitashashwirwe.

Kiyaga akateerwa amasasi ebiro 25.01.2025 omuri Heritage Village, omumuruka gwa Kansanga omururembo Kampala bwanyima y’okwihuza omupangisa we Nathan Ariyo ow’emyaka 26 sente z’okuraara omunju.

Okururgiirira ahamushango ogwahandiikirwe CRB 096/2025, Kiyega akaba atwire nabanja Ariyo owaabeire naakora n’ekitongore ky’abarinzi ekirikushangwa omuri Kigunga omu disiturikiti ya Mukono, sente z’okuraara omunju ezibaire zitakashashwirwe.

Nyakuteekateekwaho, Ariyo, obwa hati ari omumikono ya poorisi.

Oku byatandikire…
Nikigambwa ngu Ariyo, owaabeire nereebeka nk’osinzire, akaire kakye enyima akaba yaareetsireho akashashamaro ahabaara ya Mama Jackie.

Nagambwa kuba yaashabire amaarwa omuntu omwe owaabaire ari omubaara beitu ondi nikwo kwanga kandi akamugira ngu arekye kumuteganisa. Bwanyima y’okubingwa omubaara, Ariyo naagambwa kuba yaamurabwire agumize ngu naija kugaruka.

Bwanyima akugaruka omukaire kakye, ajwire ebijwaro bye by’omurimo aine n’embundu ye ey’ekika kya UG PSO 54100915, kurugiirira ahamushango.

Abaabeire bari ahabaara tibaramufeireho munonga.

Ariyo nikwo kuhika Kiyega, owaabeire ashutami ahambaraza y’amaju gye arikushoma orupapura rw’amakuru nikwo kuteera amasasi agaamuhutaarize kandi gakamwita.

Ekikoosi ky’abapoorisi kikahika ahamwanya ogwo…

Omumushango ogwahandiikirwe, “omubiri gwa Kiyega gukashangwa gurambeire ahaitaka gushwekirwe eshuuka erikwera obwo amaguru n’emikono ye bizingire. Akaba ateirwe eisasi omukifuba omurubaju rwa buryo eryareetsire ekihaha kye kyaijuramu eshagama.”

Ku yaahikiriirwe, omugambirizi wa Poorisi y’ekyanga ekya Kampala n’ebyanga ebikihereire, Luke Owoyesigyire, ahamize okuteera kw’amasasi oku agumize ngu kukahamibwa aha poorisi ya Kabalagala kandi okucondooza nikugumizamu omumaisho.

“Abaabeireho bariho bakagambira poorisi kandi ebi baagambire byahandiikwa. Ahi omushango kwakoreirwe, poorisi ekaihaho ebishoshonkore bishatu kandi embundu eyayitsire (SAR gun UG PSO 54100915) ekayihwa ahari nyakuteekateekwa obu yaabeire nagyezaho kuhunga,” nikwo Owoyesigyire agizire.

Okurugiirira aharipoota y’emishango eyakozirwe ey’omwaka 2023, kandi eshohoziibwe omwaka oguhwaire ogwa 2024, emishango y’okuteera amasasi erikuhika 4,248 niyo yaamanyirwe omugwa 2023 wagyera-gyeranisa n’emishango 4,043 eyamanyirwe omugwa 2022.

Minisita w’enshonga z’omunda y’eihanga, Kahinda Otafiire, agambeire TV West ngu okuteera amasasi oku nikukorwa abantu abaaheereizeho omuby’okwerinda, abanyamahe hamwe n’enkozi z’emishango abaine amagyezi g’okukoresa embundu.

#WestUpdates

Omushaki

Omushaki

At Tv West

Read Previous

Omukuumi ayitsire ‘landlord’ ahabwa ‘rent’ - Kampala

Read Next

Omukuumi ayitsire ‘landlord’ ahabwa ‘rent’ - Kampala

Related Stories